"علمتُ ابني".. قصيدة

علمت ابني

ابني أنا مربيه
روحى اللى ساكنة فيه
عرفته الطريق الصح
وسبته يمشى عليه
* * *
علمته يكون إنسان
مهما يكون الزمان
يساعد المحتاج
يعيش في خير وأمان
* * *
علمته يختار الصحاب
ويعيش حياته راجل
ويتغلب على الصعاب
ويواجه المشكلات
* * *
علمته حاجات كتير
الأخلاق والضمير
ومهما تكون الحياة
فيه رب هوّ الكبير
* * *
عرفته الأسطورة مين
والصادق الأمين
العلم يا ابني حضارة
والجهل فيه عايشين
* * *
سيب في الدنيا بصمة
متقلدش وتمشي أعمى
يا ابني لو تتعب هتلقى
حياتك ليها معنى
* * *
امشى يا ابني في كل خير
متخافش وانصر أي حق
لو حتى موج الظلم عالي
اوعى تطاطي.. وقول له لأ