الشحات مبروك عن دعاوى مقاطعة الانتخابات: محدش يقدر يمشي رأيه على الشعب
علق الشحات مبروك، بطل العالم في كمال الأجسام، على الدعوة لمقاطعة الانتخابات الرئاسية، قائلا: «المواطن المصرى الوحيد هو صاحب قرار المشاركة في الانتخابات الرئاسية ولن يقبل بأن يملى عليه أحد إملاءات، وأنا كمصرى لازم أشوف إيه الصح وإيه الخطأ، والحلو من الوحش وبعدين أقرر».
وقال خلال لقائه ببرنامج «العاصمة» تقديم الإعلامي تامر عبد المنعم، «مفيش حد قدر في يوم من الأيام يمشى رأيه على الشعب المصرى، الذي استطاع تغيير نظام كان يقول عليه النشطاء أنه نظام قمع واعتقالات، ومفيش حد بيخاف على مصلحة وكل واحد يخاف على مصلحته هو فقط وملوش علاقة بمصلحة الآخر».
وأضاف: «على الشعب المشاركة في الانتخابات الرئاسية واختيار من الأصلح سواء كان الرئيس الحالى أو غيره، فعلى المواطن أن ينزل كونه سيوقع العقد مع الشخص الذي سيدير، ومفيش حد يسيب أملاكه لشخص آخر، ومصر بلدنا وملكنا بتاعتنا وبتاعت أحفادنا».
