غادة عبد الرازق تنهار في لايف جديد: ملعون الشهرة والفلوس.. بحترم نفسي والناس مستنياني أغلط.. أنا حمارة وطيبة.. الفيديو مش مفبرك.. كنت واخدة دواء دوخني.. وحسبي الله ونعم الوكيل
ظهرت الفنانة غادة عبد الرازق في فيديو لايف جديد، من خلال صفحتها الرسمية على موقع إنستجرام، وهي في حالة انهيار من البكاء الشديد، نظرا لواقعة الفيديو اللايف، التي كانت قد ظهرت فيه منذ أيام، وأظهر جزءا من جسدها، نالت بسببه الكثير من الانتقادات والسخرية.
«بحترم نفسي»
وقالت الفنانة في اللايف الجديد: «أقسم بالله ما واخدة بالي من كومنتات الناس اللي بتقولي إن فيه حاجة ظاهرة من جسمي؛ لأني مكنتش مركزة ومبشوفش من بعيد».
وأعربت عن استيائها، قائلة: «أنا حمارة وغلطتي إني طيبة، في الزمن ده مينفعش تكون طيب».
واعتذرت قائلة: «أقسم بالله بحترم نفسي من يوم ما بقى لي أحفاد، وعمري ما غلطت، لكن الناس مستنياني، أغلط ومش عارف أقول فيهم إيه».
تعترف بالخطأ
وأضافت: «مش قادرة أدعي عليكم، أستغفر الله العظيم يارب، حسبي الله ونعم الوكيل»، متابعة في حالة انهيار: «مش هطلع لايف تاني، ده كان أول مرة ليا، ومش هيحصل تاني، وبعترف إني غلطت، ومش بنكر ده».
وأكدت أن الفيديو لم يكن مفبركا، ولم تستطع أن تقول ذلك، إلا بعد أن نصحها بعض أصدقائها بأن تخرج؛ لتعلن أنه مفبرك، موضحة: «مكنتش قادرة أقول الكذبة بس ده حقيقي، أنا كنت واخدة دواء دوخني، ومكنتش سكرانة.. ديه أدوية نفسية، وبتعمل حالة هذيان».
وأضافت: «أنا غلطتي إني طيبة وعلى سجيتي، وزي الحمارة، أنا مش عارفة أقول إيه، فكرت كتير قبل ما أطلع اللايف ده، بس حقيقي آخر مرة»، وانهارت الفنانة من البكاء خلال الفيديو.
الشهرة والفلوس
وقالت: «أنا مش زعلانة منكم، بس كنت مش متخيلة الضربة هتيجي منكم كده، مفكرتوش خالص إني عندي أحفاد بحافظ عليهم، خصوصا أن الفترة دي كنت واخدة قرار مظهرش بأي مايوه أو مظهر خارج»، متابعة: «مش هقول غير حسبي الله ونعم الوكيل، يلعن أبو الشهرة والفلوس وكل حاجة».
