«البااارلمنجي»: نائبنا حصري.. عايز يحبس مليون مصري
احبسني يا معلم.. قصدي احبسني يا سيادة النائب، علشان ترضي الحكومة والمسئولين.. وعلشان تدعم مصر وإتلافها يا نور العين.. ما هو إنت ما تعرفش نفسك بتمثل مين.. بتمثل الحكومة في البرلمان ولا بتمثل المواطنين؟!
شوفوا بقى يا أهل دايرتي الكرام.. أنا جمعتكم النهارده علشان أنا بصراحة تعبت من تصرفات نواب دايرتنا.. تقولش ندهتهم النداهة يا جودعان!.. عموما هي دي نتيجة اختياراتكم وتصويتاتكم.. واللى حضَّر العفريت هو اللي لازم يصرفه.
الباشا البيه سيادة النائب، بتاع دايرتنا، بيقول للصحافة قال إيه: «ما عنديش مانع من حبس مليون مصري، حال تجاوزهم في حق المسئولين بالدولة».. أي والله «زمبقولكم كدا».
الراجل بيجامل الحكومة ومسئوليها ومحافظيها وموظفيها زيادة عن اللزوم.. أو لزوم التقرب المحموم.. ودا طبعا حال ثلثى نواب دايرتنا اللى ما بقناش نهمهم من قريب أو بعيد.. وكأننا لم نكن سببا في وصولهم لمقاعدهم التي تسببت في هذيانهم على حساب همومنا وطموحاتنا؛ لإرضاء الحكومة والمسئولين بالدولة.
يعنى إياك أسمع حد منكم ينتقد أي نائب أو محافظ أو حتى رئيس حي.. وإلا أبلغت عنه سيادة نائب دايرتنا ليقدمه للمحاكمة..
دا سيادة النائب بتاعنا ماعندوش مانع يحبس مليون مواطن، نظير إرضاء جلالة مسئولي الدولة.
بصراحة وبجد وبطيب خاطر.. سوف أعطى صوتى لنائبنا هذا في الانتخابات القادمة، علشان يفضل على قلبكم.. جايز يحبسكم كلكم، وأخلص من همومكم.. وأصبح وحدى في الدائرة، وأنتخب نفسي، وساعتها سوف أطالب الحكومة بالإفراج عنكم.
الراجل بيجامل الحكومة ومسئوليها ومحافظيها وموظفيها زيادة عن اللزوم.. أو لزوم التقرب المحموم.. ودا طبعا حال ثلثى نواب دايرتنا اللى ما بقناش نهمهم من قريب أو بعيد.. وكأننا لم نكن سببا في وصولهم لمقاعدهم التي تسببت في هذيانهم على حساب همومنا وطموحاتنا؛ لإرضاء الحكومة والمسئولين بالدولة.
يعنى إياك أسمع حد منكم ينتقد أي نائب أو محافظ أو حتى رئيس حي.. وإلا أبلغت عنه سيادة نائب دايرتنا ليقدمه للمحاكمة..
دا سيادة النائب بتاعنا ماعندوش مانع يحبس مليون مواطن، نظير إرضاء جلالة مسئولي الدولة.
بصراحة وبجد وبطيب خاطر.. سوف أعطى صوتى لنائبنا هذا في الانتخابات القادمة، علشان يفضل على قلبكم.. جايز يحبسكم كلكم، وأخلص من همومكم.. وأصبح وحدى في الدائرة، وأنتخب نفسي، وساعتها سوف أطالب الحكومة بالإفراج عنكم.
فأنتم تستحقون نوابكم الذين لهثتم خلف فتات أموالهم، وتركتموني أنا ابنكم وحامل همومكم.
عموما رمضان كريم، وأنا مش هتكلم عن تصرفات باقي نواب الدائرة علشان صيامي ما ينجرحش.
مع تحياتي، أخوكم «نزيه صندوق عبد المتعال الناخب» الشهير بـ«البااارلمنجي».. نائب ساقط ببرلمان 2016.
مع تحياتي، أخوكم «نزيه صندوق عبد المتعال الناخب» الشهير بـ«البااارلمنجي».. نائب ساقط ببرلمان 2016.
