بختك اليوم "الأثنين" من هريدى نيوز

- الحمل
كل وقت وله أدان .. والأطرش له ودان لكن ما بيسمعش بيهم وفيه ناس كتير ليهم مخ بس مش شغال
- الثور
يا مستنى النهضة من تحت إيد السلطة عمرك ما هتقلى ولا هتشوى ولا هتشم ريحة طبيخ.
- الجوزاء
هتبقى كويس بس انت كيش وكيس وهى الدنيا حالها كدة ماشية بالمقلوب وانت شغلهم الشيزوفرنيا هتعدى.
- السرطان
ابعد يا شيطان ابعد يا شيطان .. إن جه م الباب قوم سد الباب بحجر صوان وقوله اللهم اخذيك يا شوشو
- الأسد
انت دايما جاهز للخناق.. بس المرة دى نأبك هيطلع على شونة وقصة حبك مكملة وعاملة فى قلبك فرح.
- العذراء
بمبى.. بمبى.. بمبى الحياة بقى لونها بمبى أبواب الحظ مفتوحة وفكك م الحب ما بيأكلش عيش فى الزمن ده.
- الميزان
اشتاتا اشتوت عين الحسود فيها عود . وشوية صابون على وشك ورغاوى على بخور جاوى هتبقى زى الفل.
- العقرب
انت مش انت وانت جعان .. كل وظبط نفسك يمكن ترجعه تحس انك "عقرب " تانى مش قطة
- القوس
لو أنك تعرف أن البحر عميق جدا .. كنت خدت معاك مايوه أكيد .. الحب مش سهل والحياة مش شط ومايوه.
- الجدى
الموبايل اتعمل عشان تتكلم فيه وانت ماشى مش وانت نايم .. ارحم ودانك بقى بدل ما هى ترحمك منها وتطرش.
- الدلو
نط 3 نطات و صقف 3 صقفات و قول جلا جلا جلا هتختفى كل حاجة ممكن تضايقك وعندك ميعاد مع حد من برج القوس اديله على دماغه وما تسكتلهوش
- الحوت
خليك كول وكل فول واتعشى ونام من غير ما تكون مسطول عشان ما حدش يقول عليك بقيت فلول.