نوارة لـ"أبو بركة": ما تتصورش فرحة المسيحيين بـ"الإسلام هو الحل"

قالت الناشطة السياسية، نوارة نجم، فى تغريدة لها عبر "تويتر"، اليوم الخميس: "أبو بركة بيقول من حق المسيحيين استخدام شعار "الإسلام هو الحل".. ما تتصورش يابو بركة المسيحيين فرحوا إزاى بالخبر ده".

وتابعت: "فى ديمقراطية فى البلد دى وحرية رأى وتعبير.. من حقك تكون إسلامى أو إسلامى.. زى ما تحب.. حتى لو كنت مسيحى.... الكلام ده واعر جوى".

وأضافت نجم: "إحنا عندنا تيارات سياسية من أقصى اليمين إلى أقصى اليسار، يعنى ممكن تبقى إخوان، ممكن تبقى حزب النور السلفى، ممكن تبقى حازمون.. عايزين إيه بقى"، قائلة: "ما الأفق السياسى مفتوح قدامك أهو يا تبقى إسلامى وسطى يا تبقى إسلامى بس يا تبقى إسلامى قوى.. لازم يعنى تبقى ملحد وكافر وعلمانى وشيعى؟".

وأشارت إلى أنه "مافيش أى اضطهاد للمسيحيين بلاش افترا ومبالغة.. ما المسيحيين أهو مسموح لهم يبقوا إسلاميين.. عايزين إيه تانى؟ كلتوا البلد".

واستطردت: "طب فاكرين لما قلتلكوا إن مرسى ما يعرفش المسيحيين؟ هو فاكر إنهم ناس مسلمين زيينا.. بس هم اللى مسيحيين كده".