بالفيديو.. أطرف إجابات المواطنين عن «لو مكنتش مصري تحب تكون إيه»
اختلفت الآراء حول سؤال احتار في إجابته الكثيرين وهو "لو مش مصري تتمني تكون أي؟ وليه؟ "، فالبعض تمسك بمصريته وافتخر بها والأخ لم ينجرف بعيدا عن هذا السياق ولكن بطريقة مختلفة، ومن هنا اتجهت "فيتو"، لرصد تلك الآراء المتباينة.
قال أحد المواطنين: " أروح أي دولة تقدر النظام، ممكن السعودية عشان فيها مكة أو السويد عشان دولة محترمة وبتحترم حقوق الإنسان الناس هناك من قلة المشكلات بينتحروا".
وتابع آخر" دبي أو تركيا أو السعودية، تركيا فيها نسبة حرية وتعليم لو أنا مش مصري أتمنى أكون تركى، فيها جمال وثقافة وأخلاق، أنا سافرت هناك مرة واحدة، هناك أوروبا التانية".
وأضاف:"مصر بقا فيها كوسة وواسطة حتى الامتحانات بتتسرب، حتى المسلسلات شوهت صورة البت المصرية والصحفية".
وذكر آخر:"لو مكنتش مصري أتمنى أكون مصري على الرغم من إلى فيها، هنا في أمان أي بلد تانية مفهاش كدا، هنا ممكن تخرج متأخر عادى والأمن موجود ".
وتابع آخر:"أنا كشاب مصري من حملة الماجيسيتر بطالب انى أروح أي بلد تانية تكون بتقدر العلم وبتحترموا، تقدر درجة الماجيسيتر والدكتوراه اللى تعبنا فيهم".واسرد آخر " اروح استراليا عشان هي بلد متطورة".
وقالت أخرى:"من الطبيعي أن الواحد يتولد مصري بعد كدا يتصنف عندى ولا سورى ولا أي حاجة تانية، هنا أرضي ووطنى وكرامتى وانتمائي وأهلي وطفولتى وذكرياتى "، واستطردت أخرى " مش عارفة، مش حسانى في مكان تانى".
