«حاجة تانية» قصيدة لمحمد عبد الرحيم

حاجة تانية..
تختلف عن كل حاجة
وأى حد
كرمشة حاجبك ف غيرتك
حاجى تانيى تختلف
مش بلاقى
أي رد
وأما يتغير جبينك
م الكسوف
والخدود تحمر فجأة
قوام باشوف
فرحة تانية
وابقى خايف المسك
ل الفرحة تخلص
مش هخلى اللحظة
تخلص
مين يطول يحب واحدة
كل ثانية معاها تبقى
حاجة تانية
لما اقرر حاجة وحشة
نظرتك حتى ف عندك
ليه مصرة.. تبقى حلوة
حتى برده وقت ضيقتك
أنتِ برده حاجة تانية
جنة والعيشة عليها
دنيا تانية..
ضحكتك لحظة جنونك
ليه ف أي بنت غيرك
شىء يبان أنه طبيعى
إلا عندك..
ضحكتك.. ليه شايله سرك
ليه ف نص الضحكة
باغرق ف الغرام
واصرخ عشقتك
حاجة تانية وسحر تانى
وعيشة تانية
لو هعيش العمر ادور
مش هلاقى حاجه شبهك
أصلك أنتِ
حاجة تانية