«يامسحراتي» قصيدة جديدة للشاعر محمد عبدالله توفيق

يا مسحراتى.
يا مسحراتى بنشتاقلك م العام للعام.
تندهنا واحنا بنندهللك بأحلى كلام.
بتجلنا بتغني تملي وتقول حكايات.
على كل كلمة بتقولها بنقول يا سلام. 
بتهل ديما وبتيجى مع أحلى هلال.
وعيونا تسعد ونقولك أجمل موال.
اللمة وياك بتاخدنا والشوق يجمعنا.
وبتبقى ديما في قلوبنا وديما ع البال.
اصحى يانايم بتقولها وقلوبنا تطير.
وبروحنا نفرح ونظأطط زي العصافير.
في ليالي حلوة وجميله ليالي رمضان.
والكل فرحان بقدومك فقير وأمير.
يارب ديما تفرحنا وتطل علينا.
وتعيش وتكمل فرحتنا بيك وتصحينا .
يا مسحراتي يا جميل يخليك لينا.
وتملي بالهنا أيامنا وبالفرحة عنينا.
يا مسحراتي.