بالفيديو.. رسائل المواطنين لـ«مبارك» في عيد ميلاده.. أحمد: «كل سنة وانت طيب وحمدًا لله على السلامة».. عبير: «مشوفتش منه حاجة وحشة».. «راجل وطني».. محمد: «و

بعد إخلاء سبيل الرئيس الأسبق محمد حسني مبارك على ذمة قضية «قتل المتظاهرين» في أحداث ثورة 25 يناير، وعودته مرة أخرى للشارع المصري وسط فرحة البعض ببراءته وغضب البعض الآخر من الحكم، رصدت "فيتو" تمنيات الشارع المصري للرئيس الأسبق بعيد ميلاده الموافق غدا الإثنين.

كل سنة وهو طيب
وقال أحمد مصطفى «أنا فرحان أنه طلع براءة، واقوله كل سنة وانت طيب وحمد الله على السلامة»، فيما قال أشرف محمد، «كل سنة وهو طيب».

رجل وطني
وتمنت عبير سعد له دوام الصحة قائلة «انا مشوفتش منه حاجة وحشة طول 30 سنة، كانوا زي الفل عمر ما ظابط مسكني ولا بلطجي اعتدى عليا كان راجل وطني، ومبعش بلده، وكل سنة وهو طيب»، وأضاف محمد نور «وحشتنا ومبروك البراءة، وكل سنة وانت طيب».

يرجع يتحاكم تاني 
فيما استقبل جانب آخر من المواطنين عيد ميلاد الرئيس الأسبق بالتعليقات الساخرة ومنها: «هو عايز مننا أيه تاني، اتمناله يرجع يتحاكم تاني، ويتعدم، ويحصل فيه اللي كان نفسنا فيه».