أحلى «كمنجاتي» في مصر

طفل إسكندراني اسمه رمضان، عينيه فتحت للدنيا مالقاش حد معاه فيها، لما بيتكلم عن نفسه بيقول إنه مش بيحب غير الكمانجا، وعلشان خاطرها كان بيبيع مناديل في إشارات المرور علشان يجمع فلوسها ويشتري واحدة.

أصبح لرمضان الكثير من الأشخاص اللي بيحبوا يسمعوا لعزفه، لكن فيه مشكلة واحدة وهي أن رمضان مالهوش مكان معين بيقعد فيه، فساعات بيقعد في محطة ترام سبورتنج، وساعات عند نفق الإبراهيمية على البحر، وأوقات تانية بيكون في فيكتوريا على البحر.

رمضان اختار أن ظروفه تكون دافع له وقرر ينمّي موهبته ويجتهد عشان يعرف يحقق حلمه ويغيّر ظروفه، رمضان الناس كلها بتتكم عنه لأنهم سمعوه، بس ماكنتش مصدقة نفسي لما لقيت أنه وصل صيته على الفيس بوك، بجد نفسي أشوف كل شبابنا عندهم حلم زي رمضان.