"أخويا مات من القاتل ؟" قصيدة جديدة لـ"مينا إميل يوسف"

أخويا مات من القاتل ؟
يا سادة حكمكم باطل
و عارف الحكم من مدة
وبتأخر وبتماطل

أروح لأمى أقولها ايه
دم أخويا مشيوا عليه
و هم روحوا بيوتهم
ما دفعوا جنيه

و انسى ازاى
و اعيش ازاى
عمرى الجاى
في بلد كلها ظالمة
بدم أخويا شربوا الشاى

أنا آسف ساعدة القاضى
و لو رجع الزمن الماضى
من غير حرية وكرامة
أنا حاكون عايش راضى
بس يرجع أخويا راضى

و كل حتة في قصوركم
حتتلوث بلون الدم
و حكم القاضى ببراءة
لكن حتعيشوا نكد وهم

عيون الشهدا في سماها
شايفة مصر في عماها
بطعم الدم ولون الدم
و عارفين مين اللى سواها