"بِتْشَبْشِبْلي" قصيدة لسامح لطف الله

لو حطِّيت الكُرْه قي كفة
وشوقي في كفة تِطُبْ
لو نصَّبْت ميزان العدل ما بينَّا
كفِّة حُبَّك تطلب قُرْب
واشكي لقاضي الحب صدودك
بسمه يدوب تبعتها خدودك
نظرة بطرف الرمش تاخدني
لَفْتِة قَدّ تغوص في القلب
بحر عنيكي وموجه الشط
كُحْل الرمش في قلبي إتحطْ
حتى موبايلي فتح لِكْ خَطْ
تاه العقل ف بحر الحب
يمكن سحر يا ناس عاملاه؟
عاملة حِجَاب في البيت رامياه؟
بتشبشبلي عشان انساه؟
أنسى خياتي وانسى الكرْب
إوعي تقوللي عقلك فين؟
إوعى تقول دا جفاه البين
يلَّه تعالى وخُدْ لَكْ عين
شوف بعيوني حلاوة القرب
عمرها يا ابني ما كانت حرب
ولا كان بينَّا خناق أو ضرب
خمر شفايف شُرب في شُرب
تسكر راسك يصخى القلب
لو حطِّيت الكُرْه قي كفة
وشوقي في كفة تِطُبْ
لو نصَّبْت ميزان العدل ما بينَّا
كفِّة حُبَّك تطلب قُرْب