مصرية تستنى هلالك
يالّلا يا أحمد وإنت يا صالح
إيه رأيك ننزل نتصالح؟
نعمل قاعدة فيها مودة
عرّفني زعلّك كان ليه؟؟
مصارين البطن بتتعارك
هدفي وهدفك نبني بلادنا
مش نهدم ونهد ممالك
مصر دي أمي زي ما هي أمك
واللي يفرق بينا دا هالك
الفاسد ناخد على إيده
واللي بيبني نشد بإيده
نرفع نعلا نعزّ بلادنا
دا وطنا واجب تأيده
رمضان جه هل هلاله
صَفحُه وعفوه أنا جياله
زينب أختي زي ماريا
شفنا أيام حلوة وهنية
وليالي بتأثر فيّا
نص إكليل في كنيسة العدره
قبل ما اروح قلبي بيتوضى
كتب كتابي كان ف المسجد
وماريا من الفرحة بتسجد
كنت بذاكر يومها في بيتها
مغرب أذن أوم ولدتها
ملت السفر بمحبتها
تحلف لفطر باسم الله
قسمت بينا حلال الله
في مقائم أمي أنا حبتها
سافرت أختي ماريا هولندا
لكن لسه مابينا مودة
كل أجازة عشقة ترابك
تيجي تعلق زينة في بابك
في صيامك يا مصر عروسة
بيزينك مسجد وكنيسة
وماريّا قريب رجعالك
ماهي عشقة رمضان في جمالك
أصل ماريّا زي عليّة
مصرية تستنى هلالك
