Advertisements
Advertisements
السبت 12 يونيو 2021...2 ذو القعدة 1442 الجريدة الورقية
Advertisements
Advertisements

رمضان كريم البلد محتاجة تضحيات

ساخرون شلاليت عم فريد طه
شلاليت

شلاليت


رمضان كريم البلد محتاجة تضحيات

شبعت خطب أو كلام في كافة المجلات

عايزين نعيش في البلد أحرار بكل ثبات

وإيد في إيد نبني مصر وكلنا إخوات



الكرسي مش غاية نجري وراه ونتقاتل

والدنيا مش راح تطير لازم تكون عاقل

شبعنا تطبيل ورقص الشعب مش غافل

الثوره مش بالهتاف والهيصة والخلافات


أنا كلمتي كلمة واحدة الشعب هو الشعب

وعمره ما يعيش في حاله فيها لعب ورعب

إحنا حنمشي بثبات آخر طريقنا الصعب

ما تفكروش باعتراضكوا تخلقوا أزمات


نصيحة لله يا ريت تفتكروا كلماتي

أنا مصر هي الأمل في حياتي ومماتي

وفرحتي ودمعتي ودعائي في صلاتي

فبلاش بقي تطبلوا وتزمروا بصاجات


يا ريت بقى تسمعوا مرة نصيحتي في يوم

وتعقلوا.. حكم مصر وسام لكل القوم

الاعتراض في الشوارع شيء مالهش لزوم

إحنا في شهر الصيام والرحمة والبركات

آخرتها إيه ربنا يعلم مانيش عارف

حتمشوا أو تقعدوا والله مش خايف

بس اسمعوا كلمتي لأنني شايف

الحكم مش بالخطب والرفض والهتافات

Advertisements
Advertisements
Advertisements
Advertisements