Advertisements
Advertisements
الجمعة 23 أبريل 2021...11 رمضان 1442 الجريدة الورقية
Advertisements
Advertisements

الأحزاب في صراع وخلاف والمسئول يهرب ويخاف | ساخرون

ساخرون شلاليت عم فريد طه
شلاليت

فريد طه

شلاليت

كله بيرمح عايز يحكم         والغلبان م الهم بيلطم

وإن صرخنا وقولنا يا عالم     الهايصين يقولولك إكتم

دنيا وعالم ضايع منا            ومافيش واحد سائل عنا

حد يقول لي لإمتى حنفضل     في اختلافات لسنين نستنى

شطار بس في رص كلام       مش عايزين نمشي لقدام

كل شوية مظاهرة وغاغة       نفسنا بس نكون حكام

الأحزاب في صراع وخلاف     والمسئول يهرب ويخاف

والجماهير في الشارع تهتف     إحنا يا ناس عايزين إنصاف

طول ما الناس في الشارع واقفة     نفسها مرة في عدل ورأفة

والأحزاب في صراع وكراسي      والجعانين في بيوتهم خايفة

اصحوا وفوقوا مافيش فيه داعي     كل شوية تزيد أوجاعي

بطلوا طبل وزمر وهيصة          كُتر كلامكوا وجع لي دماغي

Advertisements
Advertisements
Advertisements
Advertisements