Advertisements
Advertisements
الإثنين 17 مايو 2021...5 شوال 1442 الجريدة الورقية
Advertisements
Advertisements

أحمد بلال: موت ابني كسرني وخلاني أبطل كرة القدم |فيديو

رياضة

محمد طاهر أبو الجود

بكى الكابتن أحمد بلال نجم النادي الأهلي ومنتخب مصر السابق، علي الهواء، حزنًا على فقدان إبنه، قائلًا:"موت ابنى هو الحاجة اللى كسرتني ومش عارف أعديها أبدا".



فقدان الابن


وتابع خلال لقائه ببرنامج "شيخ الحارة والجريئة" الذي تقدمه المخرجة ايناس الدغيدي بقناة "القاهرة والناس":"اصعب حاجة مرت عليا موت ابني وهو لسه عمره 3 سنين، ومش عارف اذا كان اختبار ولا ابتلاء لأنه كان أكتر واحد بحبه في عيالي".


تفاصيل الوفاة


وأضاف:"ابني اتخطف مني وكنت بأكله بإيديا وكان رايح جاي بياكل ويلعب ومفيش 10 دقايق بدور عليه ملقتهوش في البيت وفجأة لقيت أمي بتصرخ فمقدرتش اتحرك ولقيته رمى نفسه في حمام السباحة واخدته المستشفي وانا ماشي في الطريق عامل اقول يارب وكان عندي أمل لآخر لحظة أنه يعود للحياة ولكن من جوايا عارف انه مات".



اعتزال الكرة


وأشار:"عشت 3 سنين بعد رحيل ابني فاقد كل حاجة وبطلت كورة بسبب وفاة ابني لأنى مكنتش قادر بصراحة، وموته كسرني".


مشاجرة حسام البدري


وكشف الكابتن أحمد بلال نجم نادي الأهلي السابق في نفس اللقاء، تفاصيل مشاجرته مع المدير الفني لمنتخب مصر حسام البدري، عندما كان مدربا للأحمر.



وأضاف:"كنت كابتن للنادي الأهلي وقت تدريب حسام البدري للفريق ووقتها كنت جليس الدكة وكل مرة يقولى هتلعب الماتش الجاي وعدا أكتر من 3 ماتش ولم ينفذ وعده ليا، وهو ما أصبني بالغضب والضيق فروحت له أوضة اللبس ومسكت دراعه وقلت له: انت ليه مبتلعبنيش.. فيه بينك وبيني حاجه، وفيه حاجة جواك ناحيتي مش مظبوطة وطلعها علشان أقدر أكمل معاك، ووقتها سبني ومشي، فنديت عليه وقلت له أرجوك رد عليا لأن أنا مش هينفع أكمل معاك كده، وقتها قاللى ربنا يسهل".


قمة الغضب


وتابع:"كنت في فترة تدريب حسام البدري للأهلي في قمة غضبي وكان عندي إحساس إن الراجل ده كان هيضيع مستقلبي".

ضريبة الخلاف مع حسام البدري


وأشار: "ناشدت مدير الكرة وقتها هادي خشبة وقلت له كلم حسام البدري علشان أنا وصلت لآخري، وتاني يوم فوجئت به عملى خصم 100 ألف جنيه، فروحتله وقلت له انت فيك حاجه في قلبك ضدي، وتاني يوم مشيت من النادي الأهلي".



التألق مع سموحة


ولفت: "لما سيبت النادي الأهلي روحت سموحة ومنه انضميت لمنتخب مصر لأنى كنت وقتها جايب 9 اهداف".
Advertisements
Advertisements
Advertisements
Advertisements