شفت تحرش تنشر شهادة فتاة تعرضت للتحرش
قامت مبادرة "شفت تحرش"، اليوم، بنشر شهادة إحدى الفتيات تعرضت لمواقف عديدة من التحرش الجنسى، والتزمت المبادرة بعدم نشر بيانات الفتاة حفاظا على حقها في سرية بياناتها وهويتها.
نص الشهادة:
أنا عايزة حد يساعدنى.. النهاردة كنت راجعة من فرح صاحبتى والساعة 9 ونص مش متأخر أوى يعنى.. وراكبة مايكروباص مع ابن خالى (صغير) وأنا محجبة ومش بلبس ضيق والجو ده.. وأنا راكبة في الكنبة اللى وره والشباك مفتوح.. وجم شباب ركبو ورا (اتشعلقوا) بعدت عن الشباك وأتأخرت تجنبا لأى موقف.. وفجاءة والميكروباص ماشى بسرعة لقيت لمس مكان حساس في جسمى.. على ما اتلفت لقيت الواد اللى كان راكب ورا نزل وبيضحك هو وصاحبه وطبعا العربية بتجرى والطريق فاضى فلقيت نفسى مش هلحق أنزل ولا حتى لو شتمت هما مش هايسمعوا وهافضح نفسى في العربية وخلاص... دلوقتى مش حاسة بألم جسدى وبس.. لا ألم نفسى لأنى ماعرفتش أعمل أي حاجة وعمالة أفكر كنت أعمل أيه مش لاقيه حل... ساعدونى بقى لأنى خلاص ابتديت أكره نفسى.. يعنى لا ماشية بتمايص ولا لبسى ملفت ومحجبة والحيوان ده مش شايف كمان وشى.. مجرد حركة زبالة عملها ونزل.
