الزمالك يرتدى «بينك» بمناسبة «الفلانتين»

رغم الأحداث الساخنة التى تمر بها البلاد، وتساقط شهداء بشكل أسبوعى إلا أن ذلك لم يمنع فريق الزمالك من ارتداء زيه الجديد بألوانه المبهجة التى لا تتناسب مع بلد تعانى من فشل الثورة، محبو الزمالك أكدوا أن الزى الجديد جاء تزامنا مع الفلانتين، وطالبوا بأن تكون جوائز المسابقة دباديب، "فيتو كافيه" رصدت رأى الشباب فى زى الزمالك الجديد..
راوية خليل: بينك هاند ميد علشان الفلانتاين
بيتر حنا: الزمالك لابس ولاااا كأن فيه أى ثورة فشلت فى البلد.
بلبس الزمالك ده المفروض اللى يفوز مياخدش كاس.. يدوله دبدوب: منيرة حامد
محمد غانم: واضح إننا هنرجع نألش على الزمالك تانى.. أرزاق ربك بيبعتها لعبيده فى مكانهم من حيث لا نحتسب.
فايزة عمران: أدى آخرة مطالبة البرادعى بفصل الدين عن الرياضة
أحمد البقساوى: أنا كأهلاوى لو الأهلى لبس لون زى ده أنا ممكن أشجع أى فريق يلعب ضده
إسلام كيكو: الزمالك لابس بينك عشان الفالنتين
يسرا الشويخ: تى شيرت الزمالك دة بيطرح الفكرة دى.. ليه ما يبقاش لبس الزمالك.. بامبى "التى شيرت".. وبنك "الشورت".. وروز "الشراب".. «سباركل ستايل»