شاعر يهدى قصيدته إلى أقباط مصر في عيد الميلاد
أهدى الشاعر أحمد سلامة، عضو اتحاد الكتاب بمصر، قصيدته إلى أقباط مصر في عيد ميلادهم المجيد، متمنيا لهم الفرحة والبهجة في بلد الوحدة الوطنية.
والقصيدة بعنوان "مينا يا صاحبي" وتقول كلماتها:
"مينا ياصاحبى" وضحكته البشوشة صديقي مينا دانيال
كان ضحكة الميدان وعنوانه
كان فرحته في عز أشجانه
ساكن في نبض القلب
والقلب دا مكانه
عاشق ودايب حب
لحبيبته وإخوانه
مينا يا صاحبي
يا كلمتي وشعري
وأوزانه
يا أنة الفقرا
وصوت المحرومين مــ الصوت
يا كلمة الحق اللي بتدوب
جبال الظلم والجبروت
يا وحدتنا.. ولمتنا
وكلمتنا.. ولمتنا
في ساعة لما يندهنا
نداء الموت
يا صوت فجرنا وعيدنا
في ساعة لما يوعدنا
بيبدأنا.. ويبعدنا
يبعترنا في الجبين ضحكة
ويبدرنا في الفؤاد أحزانه
مينا يا صاحبي
يا كلمتي وشعري
وأوزانه
