النظافة والنظام واحترام الإنسان والحياة من غير إخوان.. أهم أمنيات نشطاء الفيس في "نفسي أشوف مصر"..حمدون: مصر من غير جوع وأطفال شوارع.. يسرا: زى أيام الملك من غير احتلال.. أبو إياد: مصر بدون "المحظورة"

"نفسي أشوف مصر" هاشتاج على الفيس بوك عبر فيه النشطاء عن أمنياتهم في مصر الجديدة بعد 30 يونيو، مؤكدين على رغبتهم في عودة الكرامة للمصرى داخل وخارج بلده، وأن يسود النظام والنظافة واحترام قيم وحقوق الإنسان .. ولم ينس النشطاء أمنيتهم بأن تصبح مصر بلا إخوان.

"دكتور فيوتشر": "نفسي اشوف مصر تعود أم الدنيا "
"طارق سعد": "نفسي اشوف مصر.أخي وحبيبي الإنسان تعالَ نبني مسجدا وكنيسة ومعبد ونعيش معًا في سلام وتعاون ورخاء"
"خالد كامل": "نفسي اشوف مصر اللى درستها في ابتدائى !"
"مني أسامة": نفسي اشوف مصر.. زي اللي في كتاب التاريخ "
"زينة أمينة": "نفسي اشوف مصر زى اللى في الصور ايام زمان.. ايام الملك وفى افلام الأبيض والأسود".
"هنا رمزي": "نفسي اشوف مصر الطب فيها للإنسان مش تجارة والفقير يعرف يتعالج مش يموت.. الضمير حى"
"نيفين حمزة" من غير تحرش: "نفسي اشوف مصر.. الناس بتحترم الطوابير والنظام.. شعبها بيستحمي ويغسل سنانه ورجله ويكوي هدومة بدل العفونة والروائح القذرة اللي عايشين فيها"
"رودي حامد": نفسي اشوف مصر المواطن فيها هو نمرة واحد مش الغريب اللى جاى من بره هو الأهم علشان معاه فلوس أو علشان أمريكانى.. كل اللى بيزور مصر بيقول عندكم حياة وروح جميلة مش موجودة في أي بلد في العالم ليه منبقاش كمان أنضف وأجمل وأرقى بلد في العالم"
"عمرو حمدون" : "نفسي اشوف مصر من غير ناس بتموت من الجوع من غير اطفال شوارع"
"يسرا سليم": "نفسي اشوف مصر زي ايام الملك لكن من غير احتلال.. رغيف عيشها يتاكل مش يتفلى الأول من المسامير والحشرات "
"سلامة": " نفسى اشوف زي مصر اللي قريت عنها، مبهرة من جمالها ونظامها...مش مبهره لأسباب أخري.. ماشيه بالقانون مش بالبركة!!"
"إياد": "نفسي اشوف مصر من غير الجماعة المحظورة..بدأ التطبيق الفعلي مصر ستكون نظيفة من هؤلاء.
AmrWadea ":" نفسي اشوف مصر من غير مسئولين... ومحدثين نعمة"
"أبو يوسف": "نفسي اشوف مصر تعمل بكلام الناس اللى من صباحية ربنا في الشارع بتجرى ع لقمة عيشها.. مش اللى قاعد على حجر أمه، وبتفلى في شعره"
"وليد": نفسي اشوف مصر ما فيهاش عيال بتتضرب علقة بالخرزانة علشان ماسمعوش الكلام.. الجارة تبتسم في وش جارها ومايقولش عليها شمال"
"أماني العقاد": " بتحترم مواطنيها اكتر من ضيوفها.. نفسي اشوف مصر.. فيها الجدعنة والنخوة زي زمان"
"راجية:" فيها الجدعنة والنخوة زي زمان، فيها تقدم علمى وابحاثها مالية العالم زى أوربا وتقدم صناعى ومنتجاتها مالية العالم زى الصين"
"ميرفت صادق": بحلم اشوفها نظيفهة، منظمة، ويحكمها القانون وينفذ.