فاكر..!

نحن أكثر شعب يطلق أسماء وشعارات رنانة على مشروعات «فالصو».. أو على الأقل لم تأت بالنتيجة المرجوة منها.. ولو حضرتك مش مصدقنى ارجع بذاكرتك إلى الخلف.. بس حاسب لتخبط في واحد إخواني..

فاكر سعادتك شعار «سنسحق إسرائيل وما وراء إسرائيل» في عهد الرئيس الراحل جمال عبد الناصر.. طبعا فاكر.. وعارف إيه إللي حصل بعد كده..

فاكر «دولة العلم والإيمان» التي أطلقت في أواخر القرن الماضي؟!.. طبعا فاكر.. وحاسس بإللي عاوز تقوله.. مفيش عندنا علم ولا إيمان..

فاكر مشروع «قناة جونجلي» أيام السادات.. طبعا فاكر وحاسس بإللي عاوز تقوله.. وفاكر مشروع «تطوير 1000 قرية» ومشروع «محو الأمية».. ومشروع «القراءة للجميع» أيام «مبارك».. طبعا فاكر.. وحاسس بإللي عاوز تقوله..

وفاكر شعار «شهيد تحت الطلب».. و«ع القدس رايحين شهداء بالملايين» في عهد «المعزول».. وإللى اختفوا بعد فض اعتصامي «رابعة» و«النهضة».. طبعا فاكر.. وحاسس بإللي عاوز تقوله..!

طيب فاكر أنا كنت عاوز أقول إيه بعد دا كله؟!