"العادلي": "السيسي" مش إخوان بس متدين شوية.. "الفريق" "صاحى" وبيجدد دم الجيش.. وزير الداخلية الأسبق: ممدوح شاهين "إخواني".. "مرسي" منح حماس 50% من البنزين و"لازم نمنع المياه عن غزة مش بس السولار"

"العادلي" تعليقاً على عزل "مرسي": "ربنا رايد للبلد الخير" 

الله كشف الإخوان "كشفة مميتة".. ولن تقوم لهم قائمة أخرى"

الإخوان "بيستقتلوا" لأجل المنصب.. وتربوا على السمع والطاعة

الإخوان "واقفين قدام القطر".. وبيحاربوا الجيش والشرطة والناس

انفردت الزميلة "اليوم السابع"، بنشر تسجيلات صوتية لوزير الداخلية الأسبق حبيب العادلي، خلال حديثه له مع طبيبه الخاص وأحد أفراد الحراسة، أفصح العادلي عن رأيه في ثورة 30 يونيو وعزل الرئيس السابق، وتحدث عن مظاهرات جماعة الإخوان في أعقاب عزل مرسي، كما تطرق الحديث لوزير الدفاع الفريق أول عبد الفتاح السيسي.

"ربنا رايد للبلد الخير إن الناس دي مشيت".. بتلك الكلمات علق وزير الداخلية الأسبق حبيب العادلي، على عزل الرئيس السابق محمد مرسي بعد ثورة 30 يونيو، وفقاً للتسجيلات الصوتية التي انفردت بنشرها الزميلة "اليوم السابع".

وفي حديث في أغلب الظن مع طبيبه الخاص أو أحد ضباط الحراسة؛ يسأله الطبيب: "إزيك ياباشا؟".. يرد العادلي "الحمد لله".. يستكمل الطبيب "فاكر حضرتك لما قولتلي البلد بتغرز وبتغرق".. رد العادلي "آه بالضبط كدة فيستكمل الطبيب الحديث: "أهو اتحقق اللي أنت بتقوله البلد خربانة برة".. يجيب العادلي "منقدرش نسميها كدة.. تقدر تقول ربنا رايد للبلد الخير إن الناس دي مشيت".

يسأله: "الناس عايزين حضرتك بس أسبوعين تلملهم الدنيا".. يرد العادلي: "ده كان زمان هما فاكرني مغفل"، في إشارة إلى جماعة الإخوان.. ويتضح من هذه العبارة أن هذا التسجيل تم بعد ٣٠ يونيو وأثناء فترة المظاهرات والمسيرات وأعمال العنف التي دعا لها عدد من إرهابيي الرئيس المعزول محمد مرسي.

قال وزير الداخلية الأسبق اللواء حبيب العادلي، إن "الله كشف جماعة الإخوان كشفة مميتة حتي لا يمكن تقوم لهم قائمة بعد اليوم"، مضيفاً أن "الأحداث جعلت المواطنين يريدون الانتقام من الجماعة".

ويقول طبيب العادلي الخاص، متحدثاً إلى وزير الداخلية الأسبق: "فاكر لما حضرتك قولتلي إن البلد كانت بتغرز وبتغرق".. أجاب العادلي "بالضبط وغرزت كمان.. لو فضلت الأمور طبيعية".. يستكمل الطبيب "انت مش متخيل إحنا كنا بنقف في طوابير بالليلتين علشان نمون بنزين ٩٠و٩٢ والطابور بمسافة كيلو والناس بتبعت تجيب دليفري".. فيؤكد العادلي "بيهربوا السولار والبنزين".

يجيب الطبيب أه ثم يضيف العادلي: "بس سبحان الله ربنا مش كاشفهم بس ده كمان أراد أن يكشفهم كشفة مميتة حتي لا يمكن تقوم لهم قيامة بعد كدة ليه؟".. يؤمن الطبيب علي كلامه ليه؟ يجيب العادلي "الناس في خلال سنة".. قبل أن يكمل حديثه يقاطعه الطبيب كشفوهم.. يتجاهله العادلي ويكمل "وخلال أيام بسبب الأحداث دي خلت الناس عايزة تطلع تنتقم منهم ذنبهم إيه الناس اللي ماتت وناس تترمي من فوق فيسأل الطبيب بتعجب علشان إيه؟!".

العادلي يقصد هنا الفيديو الشهير الذي تداوله نشطاء ووسائل الإعلام بعد 30 يونيو وعقب عزل الرئيس السابق محمد مرسي بقيام مجموعة من أنصاره بإلقاء أشخاص من أعلي أسطح العمارات في سيدي جابر بالإسكندرية، وأثارت القضية وقتها ضجة كبيرة وتم إلقاء القبض علي المتهمين وسجلت اعترافاتهم التفصيلية.

وسيطر الحديث عن جماعة الإخوان على "دردشة"، وزير الداخلية الأسبق حبيب العادلي مع طبيبه الخاص وأحد طاقم الحراسة.

يقول أحد طاقم الحراسة متحدثاً عن الإخوان: "أنا متخيلتش إنهم بالشكل ده".. يرد العادلي في استنكار "لا لا ده اللي كنا بنقوله"، فيجيب الطبيب "والله هما طول عمرهم في السر ومنعرفش عنهم حاجة.. تنظيم تحت الأرض كان ليا أصحابي في الجامعة بيتعاملوا معايا كويس وناس تانية كانت هنا في إشارة الي سجن طرة بيتعاملوا معايا سطحي كويس والمفترض إنهم دعاة دين".

يرد العادلي "ما هو بص فيه ناس منهم تقدر تسميه منضم تلاقيه - ديسنت - تعني لائق أو مؤدب أو محترم وحلو وأخلاقياته عالية جدا وبيعرف ربنا كويس، قوله انت راجل كادر وأستاذ جامعة يعني درجة ثقافتك عالية ووعيك كامل ومش ناقص الأهلية ومش قادر توصل إن الناس وحشة في هذا السن.. انت مش عايز تدرك بقي".. يرد عليه أحد الموجودين في الغرفة "هو بيلغي العقل تماما هو اتربي وهو صغير علي كدة.. إن مرسي ده رئيس جامعة وبتاع وحاجة كبيرة قوي".

يوضح العادلي "لأنه بيتربي علي ثقافة السمع والطاعة مِن وهو بيبي أي طفل صغير وبيقول حاضر حاضر لكن هل بيخفي عن أي من الجماعة الصغيرين القواعد إن الكوادر الكبار عايزين يسيطروا علي الحكم لا طبعا هما عارفين إذا كان هو ماشي معاه علي نفس الخط ومتأكد إن الوصول للحكم ليس بهذا الدين"، ويتابع "ده اللي بعيب فيه لذا أنا كنت ضد أساتذة الجامعات في كلية الهندسة كان عندهم زي رابطة كدة بتاعت إخوان كنت بقولهم هتسقطوا في الانتخابات لازم تتعلموا الأول.. منهج ومخطط الإخوان انتوا بتستقتلوا علشان في يوم تبقوا في المنصب.. وبتستقتلوا علشان ده".

وحول أحداث الحرس الجمهوري التي وقعت في أعقاب عزل الرئيس السابق محمد مرسي، علق العادلي: "الإخوان في أحداث الحرس الجمهوري عاملين بالضبط زي اللي واقف قدام القطر على شريط السكة الحديد وهو واقف كدة والتانيين واقفين كدة .. فيه حد يحارب الجيش والشرطة ويحارب ملايين الناس".

ويتحدث طبيب العادلي الخاص قائلا: "ليا واحد صاحبي دكتور مدرس مات في أحداث الحرس".. فقاطعه العادلي "تلاقيه كان بيرمي مولوتوف أو حاجة علي الحرس ومات".. أجاب الطبيب "لا هو مظنش إنه كان بيرمي حاجة ده كان من ضمن المتظاهرين المعتصمين اللي بيصلوا قدام الحرس".

يرد العادلي "ده عامل بالضبط زي اللي واقف قدام القطر علي شريط السكة الحديد وهو واقف كدة والتانيين واقفين كدة"، وتابع: "فيه حد يحارب الجيش والشرطة ويحارب ملايين الناس بعد ما اتكشفوا في الحاجات دي كلها إزاي الناس دي بتفكر؟"

وفيما يتعلق بأزمة البنزين والسولار التي شهدتها مصر قبل أيام من ثورة 30 يونيو، قال وزير الداخلية الأسبق إن الرئيس المعزول محمد مرسي كان يمنح حركة حماس الفلسطينية حوالي "40 إلى 50%"، من السولار والبنزين المصري، أثناء حكمه للبلاد ما تسبب في أزمة البنزين الخانقة التي شهدتها مصر قبل أيام من ثورة 30 يونيو.

وعلق العادلي قائلا: "إزاي البنزين والسولار رجع الأزمة اتحلت لأنه - في إشارة الي الرئيس المعزول محمد مرسي - كان بيودي ٤٠٪ و٥٠٪ منه لغزة.. ده المفروض يتمنع عنهم الميه"، وذلك في حديث مع طبيبه الخاص وأحد أفراد الحراسة.

وتطرق الحديث لوزير الدفاع الفريق السيسي، إذ قال وزير الداخلية الأسبق حبيب العادلي إن "وضع الجيش أصبح مختلفاً بعد تولي الفريق أول عبد الفتاح السيسي وزارة الدفاع"، مضيفاً أن "السيسي بيجدد دم الجيش وصاحي".

وفي التسجيلات الصوتية التي انفردت بنشرها الزميلة "اليوم السابع"، يقول طبيب العادلي الخاص: "أنا شايف إن الجيش بدأ يقفل في الأنفاق".. يجيب العادلي "ولسه".. ثم يسأله الطبيب "الأنفاق دي احنا كنا سايبنها إزاي؟!".. يرد العادلي "الأنفاق دي تبع الجيش، الحدود تبع الجيش".

يكمل العادلي: "الجيش تقدر تسميه بقي من بعد السيسي ما قبل السيسي كان وضع تاني إحنا كجهاز أمن الدولة كنا بنبلغ كل يومين عن نفق وهما كانوا بيدمروا.. لكن بيقولك نستفيد من بتوع حماس ونستفيد من البدو".. يقاطعه الطبيب "إزاي الجيش سايب الحدود كدة مفتوحة مع إسرائيل وغيره كان لازم يقفلوها كويس".. يرد العادلي "ما هو التاريخ مش هيسبهم ده غير حكم ربنا طبعا.. ده الجيش الأولاني الناس كبيرة في السن لكن بعد السيسي الوضع مختلف شوف لما القيادة تبقي أصغر منك".

يقاطعه الطبيب "أنا شفتله صورة في الأهرام أثناء التدريبات العسكرية أمام فرق الصاعقة ووراه الجنود".. يرد العادلي "أه ما أنا كنت بشوفه أصل أنا كنت متابعه في حركته لما كان في المخابرات الحربية ده بيجدد دم الجيش وصاحي".. يقاطعه الطبيب "بس طلعت عليه إشاعة إنه إخوان".. يرد العادلي "لا مش إخوان هو متدين شوية".

يستكمل الطبيب "طيب ما كلنا متدينين فيه عيلته حد واحد إخوان تقوم البلد كلها تشك فيها إنه إخوان".. يرد العادلي "اللي مرتبط بالإخوان مستشاره القانوني" في إشارة إلي اللواء ممدوح شاهين، يقاطعه الطبيب "أه ما سيادة الرئيس في إشارة إلي مبارك قالي إن ابنه متجوز بنت ابن عم الكتاتني باين".. يرد العادلي "آه انت بتشوف الرئيس".. يجاوب الطبيب "آه لذيذ سيادة الرئيس لما يقعد يتكلم عن حكاياته وتاريخه.. يرد العادلي "آه".