أخيرا ستعود أموال مصر المنهوبه وبركاتك يا مرسى!!
لم ير جفنى النوم منذ ليلة أمس.. إحساس بالسعادة.. وخوف من المسئولية التى ألقيت على كاهلى.. فأمول مصر التى نهبها رموز النظام السابق أصبحت فى رقبتى بعد وعدى للرئيس بأنها ستكون فى بنوك مصر خلال شهر واحد.. فنجان القهوة لا يغادر يدى والنوم مازال يجافينى، إلا أننى سأحكى لكم مادار بينى وبين الرئيس:
بعد مكالمة هاتفية طلب منى خلالها عمنا محمد مرسى الحضور للقصر الجمهورى ارتديت الحتة اللى على الحبل وذهبت الى هناك فأجلسنى الرئيس أمامه وقال لى: عايزين نرجع فلوسنا إللى فى الخارج ياعم أبوطقة!!.. قلت: قصدك فلوس الشعب ياريس!!.. قال: أديك قلت ريس.. يعنى اختيار الشعب.. يعنى أنا الشعب يا أبوطقه يافشار!!.. قلت: وأنا أجيبهالك بإشارة من يدى وأنت عارف يعنى إيه أبوطقه فى بلاد بره!!.. قال: عارف عارف.. المهم هتعمل إيه علشان ترجعلنا الفلوس دى؟ بس بدون عنف يا أبوطقه!!.. قلت: متخافش مش هنجيبلك مشاكل مع الدول الأجنبية إحنا عارفين إنك مش قدهم.. وعارفين هنعمل إيه.. إنت عارف إن الفشارين بتوع مصر ليهم علاقات مع كل مجموعات المافيا على مستوى العالم يا ريس!!.. قال : عارف عارف يا أبوطقه بس أنا عايز كمان أشوف نتائج مش كلام وبس!!.. قلت: بس إحنا لينا شروط!!.. قال: أأمر تُجاب!!.. قلت: 50%!!.. قال: هما فقط 10% من المبلغ توتاله!!
وهنا جذبت الآلة الحاسبة التى كانت فوق مكتب الرئيس وبعملية حسابية وجدت أن نصيبى أنا وزملائى سوف يصل لخمسة مليارات دولار بعد أن يأخذ أصدقائى فى المافيا العالمية مثلهم.. يعنى27 مليار جنيه مصرى للعبد لله ومعى سحلول وسطوطه وعرفة بستلة تلاميذى فى درب الفشارين ممكن يتراضوا بأى حاجة.. فقلت له توكلنا على الله.. شهر واحد وتكون الأموال محولة لبنوك مصر فى حسابك الشخصى ياسيادة الشعب _ قصدى الرئيس المنتخب من الشعب!!
وهنا وقف مرسى مهللا يردد: حياك يا أبو طقه حياك.. الآن فقط أستطيع أن أخرج مشروع النهضة إلى النور.. ما يجيبها إلا رجالها.. واصطحبنى حتى باب القصر وودعنى ليتركنى مهموما بالوفاء بوعدى وسعيدا بالمليارات القادمة.. لكننى أعدكم بأن أموال مصر المنهوبة ستعود ذوق أو عافية وأنتم تعلمون عمكم أبو طقه ممكن يعمل إيه.. وبركاتك يا مرسى!!
بعد مكالمة هاتفية طلب منى خلالها عمنا محمد مرسى الحضور للقصر الجمهورى ارتديت الحتة اللى على الحبل وذهبت الى هناك فأجلسنى الرئيس أمامه وقال لى: عايزين نرجع فلوسنا إللى فى الخارج ياعم أبوطقة!!.. قلت: قصدك فلوس الشعب ياريس!!.. قال: أديك قلت ريس.. يعنى اختيار الشعب.. يعنى أنا الشعب يا أبوطقه يافشار!!.. قلت: وأنا أجيبهالك بإشارة من يدى وأنت عارف يعنى إيه أبوطقه فى بلاد بره!!.. قال: عارف عارف.. المهم هتعمل إيه علشان ترجعلنا الفلوس دى؟ بس بدون عنف يا أبوطقه!!.. قلت: متخافش مش هنجيبلك مشاكل مع الدول الأجنبية إحنا عارفين إنك مش قدهم.. وعارفين هنعمل إيه.. إنت عارف إن الفشارين بتوع مصر ليهم علاقات مع كل مجموعات المافيا على مستوى العالم يا ريس!!.. قال : عارف عارف يا أبوطقه بس أنا عايز كمان أشوف نتائج مش كلام وبس!!.. قلت: بس إحنا لينا شروط!!.. قال: أأمر تُجاب!!.. قلت: 50%!!.. قال: هما فقط 10% من المبلغ توتاله!!
وهنا جذبت الآلة الحاسبة التى كانت فوق مكتب الرئيس وبعملية حسابية وجدت أن نصيبى أنا وزملائى سوف يصل لخمسة مليارات دولار بعد أن يأخذ أصدقائى فى المافيا العالمية مثلهم.. يعنى27 مليار جنيه مصرى للعبد لله ومعى سحلول وسطوطه وعرفة بستلة تلاميذى فى درب الفشارين ممكن يتراضوا بأى حاجة.. فقلت له توكلنا على الله.. شهر واحد وتكون الأموال محولة لبنوك مصر فى حسابك الشخصى ياسيادة الشعب _ قصدى الرئيس المنتخب من الشعب!!
وهنا وقف مرسى مهللا يردد: حياك يا أبو طقه حياك.. الآن فقط أستطيع أن أخرج مشروع النهضة إلى النور.. ما يجيبها إلا رجالها.. واصطحبنى حتى باب القصر وودعنى ليتركنى مهموما بالوفاء بوعدى وسعيدا بالمليارات القادمة.. لكننى أعدكم بأن أموال مصر المنهوبة ستعود ذوق أو عافية وأنتم تعلمون عمكم أبو طقه ممكن يعمل إيه.. وبركاتك يا مرسى!!
