طارق فؤاد: شيرين عبد الوهاب قفلت السكة في وشي بعد ما طلعتها للنور (فيديو)
شيرين عبد الوهاب، قال الملحن والمطرب طارق فؤاد:"أنا اللي طلعت شيرين عبد الوهاب للنور، وأول فيديو كليب لأغنية كان نفسنا، ليها من ألحاني".
اغنية كان نفسنا
وأضاف خلال لقائه ببرنامج "العرافة" المذاع على قناة "المحور":"أغنية كان نفسنا من تلحيني واخدت احسن اغنية عربية".
اختبار صوت شيرين عبد الوهاب
وأوضح:"عملت امتحان عندي في البيت وجاتلي شيرين عبد الوهاب ومعاها 10 اطفال واخترتها والطفل التاني أحمد فتحي، ولما دخلت الاستوديو سجلت اغنية كان نفسنا الموسيقيين انبهروا بشيرين شيء مش طبيعي وكسرت الدنيا وهي عمرها 12 سنة في الأستوديو والكل كان منهبر بصوتها وأدائها".
نجومية شيرين عبد الوهاب
وأكد طارق فؤاد:"شيرين عبد الوهاب لما بقت نجمة كبيرة قفلت السكة في وشي، كان عندي عيد ميلادي ومعايا الدكتور ماجد بهجت اكبر دكتور أنف واذن وحنجرة وحضر معايا عيد الميلاد وقال لي انا رايح لشيرين اسلم عليها قلت له علشان خاطري كلمني من عندها علشان افتح الصوت واتباهى قدام اخواتي وانا بكلمه لقيت واحدة بتقوله بقولك ايه وقفلت السكة في وشي وانا وقتها قلبي اتوجع وكان موقف بايخ وحسيت قدام اخواتي ومراتي وبنتي بزعل واتكسفت وممكن يكون عندها ظروف وغصب عنها ومش قاصدة".
اعتراف شيرين عبد الوهاب بخطأها
ولفت:"شيرين عبد الوهاب بعد الموقف الوحش ده اتقابلنا في عيد ميلاد سمو الأميرة سماهر وكان حسن أبو السعود متخانق كمان معاها وكانت عاملة معاه مشكلة هو كمان فلقيت حد بيغميني من وراء من عينيا ببص لقيتها شيرين وقالت لي حقك عليا ومش هاعمل كده تاني فقلت لها خلاص انا مسامح".
ونقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية
