جورجينا رزق تكشف قصة زواجها بوليد توفيق، والفنان: ما كنتش عايز أتجوز

وليد توفيق وجورجينا رزق، قالت جورجينا رزق زوجة الفنانة وليد توفيق وملكة جمال الكون عام 1971: "أنا ماشية بالحياة زي ما عايز ربنا بدون تخطيط، أنا كنت بعمل موديل في بيروت وبعدين طلعت على ميامي والحالة كانت طبيعية وما كانش في تفكيري أبقى ملكة جمال الكون، وبعدين لقيت نفسي أتدرب وأمارس حياة مختلفة وأفوز باللقب".

ضجة إعلامية حول جورجينا رزق

وأضافت خلال لقائها ببرنامج “معكم” الذي تقدمه الإعلامية منى الشاذلي بقناة “أون”: "رجعت لبنان بعد فوزي بلقب ملكة جمال الكون، ما اتخضتش من الضجة الإعلامية اللي اتعملت لإني في أمريكا كانت الضجة حصلت".

بداية التعارف بوليد توفيق

وتابع: "اتعرفت على وليد توفيق في دمشق لما أصحابي عزموني على حفلة لوليد توفيق قلت لهم مين ده أنا ما بسمعش إلا أم كلثوم، وبعدين لقيته في وشي، بس أنا ما كنتش رايحة علشانه كنت رايحة علشان أتفرج على الرقاصة، بس لقيته رجل وسيم وأعجبت به". 
 

سر رفض وليد توفيق الزواج 

من جانبه قال الفنان وليد توفيق: "ما كنتش عايز أتجوز لإن أي واحدة هتتعذب معايا، مع المعجبات والحفلات والخروجات".
 

صور جورجينا رزق

ولفت: "والدي كان حاطط صورة جورجينا رزق في البيت وما كانش فيه بيت مكنش مش معلق صورها، إزاي أنا ما أتعلقش بيها ومحجبهاش".

عمل فني بين وليد توفيق وجورجنيا رزق

وتابع: "لما اتعرض على أشارك جورجيا رزق عمل فني رحبت جدًّا ولما رُحت لها البيت كنت مفكر إني هلاقيها قاعدة في قصر ولكن لقيتها إنسانة متواضعة وقاعدة في بيت متواضع وعرضت عليها الفيلم، قالت لي أنا بعدت عن الإعلام والفن وعايشة حياتي مع ابني علي ورافضة كل المغريات اللي بتتقدم لي علشان أشارك في السينما، فأعجبت جدًّا وحبيتها وفكرت في الزواج بها".
 

وليد توفيق: سبت المدرسة علشان أشتغل وأساعد أبويا وبنوك لبنان سرقت فلوسي

منى الشاذلي تستضيف وليد توفيق وزوجته جورجينا

لقاء جورجينا رزق

وأضاف: "نزلت من بيت جورجينا رزق قلت لهم شوفوا بطلة تانية للفيلم، وبعدين كنت بغني في شيراتون الشام بدمشق وتفاجأت أنها موجودة في الحفل بتاعي وكنت طاير من الفرح قلت لهم الملكة بنفسها جاية وبعدين اتقابلنا واتعرفنا على بعض أكتر واتجوزنا".
 

ونقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية