هنا الزاهد: أحمد السعدني غبي وضربني بجد، ومتوقعتش الشتايم تطلع منه (فيديو)
هنا الزاهد، قالت الفنانة هنا الزاهد: “اكتشفت إن أحمد السعدني إيده تقيلة جدا لما ضربني بالقلم في مشهد البالونة بمسلسل ”سيب وأنا أسيب"، القلم نزل على مناخيري في المشهد، وقلت له: إنت وجعتلي مناخيري.. أنا عاملة فيها عملية واتضايقت منه بعد المشهد".
اعتذار أحمد السعدني
وتابعت خلال لقائها ببرنامج "الحكاية" الذي يقدمه الإعلامي عمرو أديب بقناة "إم بي سي مصر": "أحمد السعدني اعتذر لي، وقال لي أنا آسف عن القلم لإنه وجعني واتضايقت منه، فقلت له بالراحة.. قولي طيب ومتفاجئنيش جوة المشهد كدة".
الجزء الثاني من سيب وأنا أسيب
ولفتت: "من المفترض فيه جزء ثان لمسلسل سيب وأنا سيب، والنص مكتوب بس أنا مش عايزة أحرقه ولسة مش عارفة هيعملوه ولا لأ".
ضرب أحمد السعدني لهنا الزاهد
وأشارت: "فيه مشهد في مسلسل سيب وأنا أسيب، مع أحمد السعدني من كتر ما إحنا واخدين على بعض.. كنا قاعدين في البالكونة وعاملين بالونة باللبانة، ضربني بجد.. وقتها قلت له بجد أنت غبي وبطَّل غباء، وده كان بجد مش تمثيل، بس هما خدوها، إيده تقيلة وهو طويل وكل حاجة فيه كبيرة جدا".
المشهد المثير للجدل لـ أحمد السعدني
وعن المشهد المثير للجدل في مسلسل سيب وأنا أسيب، بشأن الشتائم، كشفت هنا الزاهد: "أول لما بدأنا المسلسل المخرج قال لنا أنا عايزكم تبقوا طبيعيين جدا زي ما الناس بتتعامل في الشارع عادي، وانتي والسعدني في المسلسل اتنين علاقتهم متربيين مع بعض، وهما علاقتهم تلقائية مع بعض وواخدين راحتهم، مش قاصدين نعمل شتائم.. بس هما علاقتهم كدة مع بعض، لكن مشهد الصفارة اللي حصل عليه مشكلة كبيرة جدا يسأل فيه المخرج وائل إحسان، لإن المفروض واخد كادر واسع، مكنش باين البوق، وهو فيه ألفاظ خارجة، وهما خدوا الكادر الضيق اللي بجنب وأحمد السعدني شتم شتيمة جامدة جدا، وكلمته قلت له قال لي آه شتمت، بس أنا افتكرتهم واخدين المشهد من بعيد مش من قريب جدا، وأنا زعلت من السعدني واستغربت، وقلت له: إزاي تشتم الشتايم دي؟! ومكنتش متوقعة إنه يشتم كدة، بس هو عامة أنا وهو في المسلسل كنا بنتعامل عادي لإن الاتنين طريقتهم مع بعض، مش قاصدين نطلع ألفاظ خارجة بس بعد كدة لازم أخلي بالي".
ونقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.
