"الصورة اللي فيها العالم كله".. شاهد محمد شاهين برفقة والدته

نشر المطرب الشاب محمد شاهين صورة برفقة والدته، عبر حسابه الشخصي على موقع التواصل الاجتماعي "فيس بوك".

وعلق "شاهين" على الصورة قائلا: "الصورة اللي فيها العالم كله".



الهجوم على حمو بيكا
على جانب آخر، هاجم محمد شاهين مؤخرًا مطرب المهرجانات حموبيكا، بعد أن طرح الأخير لأغنية تجمعهما بعنوان "قلبي شايل وجع"، دون علمه، حيث قال: "أنا مش بتاع لايف واتكلم بشكل رخيص على موضوع مهرجان مع حمو بيكا بس اللي عمله اسمه غدر وقلة قيمة.. من فترة كلمني حمو بيكا في التليفون رحت وسجلنا تراك، وبعديها بفترة لقيت بوستر نازل عند واحد من الناس اللي بتصمم البوسترات دي من غير ما اعرف".

وتابع شاهين: "كلمت حمو بيكا قلت له ازاي قال لي أنا هانزل في العيد 6 أغاني.. باكلمه في حقوق الأغنية أقل حاجة في حقي، يرد يقول لي: (أنا هاخد الحقوق كلها)، على أساس أن النجم المحترم هايعرفني بالناس.. على أساس أن النجم المحترم أنا شغال عنده.. رديت قلت له: الكلام ده مش هاينفع، وقفلت معاه.. بعدها بعت لمصمم البوستر، وقال لي أن الأغنية مش هاتنزل.. أتفاجئ النهاردة بنزولها بدون علمي على أساس إيه"؟!

واختتم المطرب الشاب محمد شاهين كلامه متوعدًا حمو بيكا، وقال: "أنا هاعرف أجيب حقي كويس بالقانون".