"تعرضت لمؤامرة".. نسرين أمين تفتح النار علي محمد سامي ومي عمر| فيديو
دور مختلف
وتابعت خلال لقائها ببرنامج "العرافة" المذاع علي قناة "المحور":"دخلت مسلسل الأسطورة علي اساس ان الدور حاجة تانية كمساحة وأهمية وترتيب واتفاجئت إن الدور مختلف تمامًا لذلك لست راضية عن اشتراكي في العمل".
مسلسل الأسطورة
واضافت:"اتقالى إن دورى في الأسطورة مهم وهو الدور الأساسي مع محمد رمضان وانا الفنانة الوحيدة في العمل اللى كنت شغالة في السينما فوجئت إن المخرج محمد سامي كبر دور مي عمر علينا في العمل، ولو رجع بيا الزمن كنت عملت مشاكل في التصوير".
وأكملت:"محمد سامي هو اللى أذاني مش مي عمر، لأنه هو اللى علاها علينا كلنا وهي مكنتش لسه حد يعرفها ولا يسمع عنها".
مؤامرة محمد سامي
واستطردت:"محمد سامي جاب واحدة محدش يعرفها وطلعها علي فنانات كتير نجوم ومعروفين من زمان فهذه كانت مؤامرة من المخرج، انا كنت اكثر نجومية من مي عمر ومفيش مقارنة بينا، ومينفعش انا أعلى علي الفنانة يسرا أو مني زكي مثلا".
مشكلات محمد سامي في الوسط
ولفتت:"محمد سامي له مشاكل مع غادة عبد الرازق وهيفاء وهبي وفنانات كتيرة في الأعمال اللى هو كان مخرج فيها".
نجاح الأسطورة
وأردفت:"نجاح مسلسل الأسطورة يرجع الي محمد رمضان مش محمد سامي، وأنا بمثل أحسن من مي عمر".
