"الميدان".. شعر محمد عاطف
قبل ما يلم الميدان الخلق
قبل ما ندوق المرار في الحلق
اسمحولى أقولكم
إن قتل بعضكم معناه حرام
عدى على نفس المكان
التفت حواليك ونادي
نعمل إيه يا شيخ عماد
متفتكرش بأنه مات
انتظر صوت الإجابة يرد ليك
هيقولها ليك الحق شعب
والشعب حى مهما راح منه الشهيد
خلى بالك من الضدك وال ليك
الدم كله نزوله ظلم
ابتديها بالهتاف انتهيها بالسلام
الجى بظلم يقتل من هتافك انت خاف
عدى من نفس المكان
غمض عنيك
خلى حرارة يعدى بيك
وابقى أسألوا
شايف إيه ؟
هيرد صوته يرج أرجاء الميدان
المصرى عمره ما كان جبان
يرسم الرسمة بريشته
ينتصر على ألف طلقة
يكتب الحرف في قصيدته
سهم مبعوت للطغاه
ميقوللش آه
بيشوف بواقى الحق فين
ويروح وراه
اسألوا حتى الميدان
ترضى انى أكون معاك
تبقى صاحبى وأموت عليك
انى أظلم
انى اقتل
انى أقول إنى شهيد وأنا مت فيك
ترضى أرضك أو سماك
انى أبات ليلى في حماك
انى اهتفلك بصوتى ظلم
ألف هم
اسألوا حتى الميدان
لو موافق أنزلو أو اقتلوا
مبقتش فارقه في المكان
قبل ما تزوروا الميدان
سالمولى على يناير
النائم والثاير
واللسه في عمره ساير
بئرتجى لحظة حقيقه أو حياه
قبل ما تزوروا الميدان
شيلوا منكم ائ آه
وحدوها هتكسبوا
وهيخسروا هما الكراسى
وينكسوا لينا الجباه
قبل ما تزوروا الميدان
مصر ورده للزمان
أسقوا الأراضي بعلمكم
عرفونا بأن نور الثوره بأن
أو لسه جائ
قبل ما تزوروا الميدان
