تامر حسني يوجه رسالة تفاؤل لجمهوره: دائما نظن بالله خيرا
حث النجم تامر حسني، عبر صفحته الرسمية على موقع التواصل الاجتماعي “فيس بوك”، جمهوره ومتابعيه على التفاؤل، والثقة في قضاء الله.
ونشر تامر حسني، أحد أحاديث النبي عليه الصلاة والسلام، والتي تدعو للتفاؤل واليقين في قضاء الله وقدره، معلقا: “ودا يخلينا دايماً نظن بالله خير ولازم نبعد عن التشاؤم عشان التشاؤم بيخليك تبني علاقة جذب كبيرة بينك وبين كل الأفكار السلبيه ويقربهالك و تتوهم ان ربنا كتبهالك لا دا غلط و الف غلط لازم نكون العكس تماماً و نبني علاقة حلوه و طاقة جذب كبيره تجاه ما بنحب و نتمناه ارجوكم إعملوا كدا صدقوني و متيأسوش من رحمة ربنا”.
تامر حسني يؤجل حفله في لندن بسبب كورونا .. ويوجه رسالة لجمهوره
وتابع: “ربنا بيحب العبد اللحوح في الطلب اللي مصمم و مش بييأس و مهما كانت الصعاب اللي بتعيشوها إعرفوا ان في اصعب من كدا ممكن يحصلنا و بكتير ف نقول الحمدلله و نتفائل و آخر حاجه نسيبها في مخنا تكون إيجابيه ارجوكم عشان هتبني علاقه جذب جميله بينكم و بين هدفكم حتى لو كان بعيد مش هتخسروا حاجه لما تكون آخر جاجه سيبتوها في دماغكم متفائله و كلها ثقه في ربنا إنه هيحققهالكم و دايماً قولوا ان شاء الله هقدر.. ان شاء الله هيحصل ، تفائلوا بالخير تجدوه”.
