أول ظهور لـ «شريف مدكور» بعد إصابته بسرطان القولون (فيديو)

قال الإعلامي شريف مدكور في أول ظهور تليفزيوني له بعد إصابته بسرطان القولون، «من بعد ما أعلنت الخبر وحطيت صورتي على فيس بوك جالي أكتر من 100 ألف رسالة، تليفوني من يومها مش بيبطل رن»، موجها الشكر لكل الناس وكل من اهتموا بمرضه والسؤال عن حالته الصحية.

وأضاف خلال برنامجه "4 شارع شريف"، المذاع عبر فضائية «الحياة» "أنا طول عمري لما كان بيجيلي في البرنامج حد بيحارب السرطان، كنت دايمًا بقويه وأشجعه وأقوله خلي المرض يقويك ومايكسركش، فأنا دلوقتي اتحطيت في الاختبار ده».

وتابع، «كنت دايمًا بقول إن السرطان زي الإنفلونزا، ربنا اللي حطيني في الاختبار ده وبقدرته هيخليني قوي جدًا، وعشان كده أنا نازل بشتغل عادي، وهعمل حلقات رمضان، لأن بالنسبالي العمل عبادة، ولأني لو قعدت في البيت هكتئب».

وأكد أنه تمسك بالإتزان حينما علم بمرضه، وقرر التعامل معه على أنه شيء عادي، حيث كان يتعامل مع أسرته بفرح وسعادة طبيعية، قائلًا: « أنا فرحان وسعيد بالمرض اللي فيّا، وبإيماني بربنا وقوتي والناس اللي حواليا عارف اني هعرف اقضي على السرطان في أقرب وقت».