الوجه الآخر لطفل «عايز أنام ربع ساعة»: يحب «صلاح».. وموهوب في الحساب
«عاوز أنام ربع ساعة يا حاجة سيبيني أنام وهعمل اللي أنتي عوزاه»، فيديو قصير لم تتخط مدته دقيقة، ظهر من خلاله الطفل محمد أحمد صالح، داخل أحد الفصول المدرسية، وهو يتوسل للمعلمة بالسماح له بالنوم لمدة ربع ساعة.
تداول رواد مواقع التواصل الاجتماعي مقطع الفيديو على نطاق واسع، دون معرفة السبب الحقيقي وراء هذا الطلب الغريب من التلميذ، ومَن المقصود بكلمته «يا حاجة عاوز أنام ربع ساعة».
٢٤ ساعة مرت على انتشار الفيديو، ليخرج الطفل «محمد»، ويكشف عن سبب بكائه، قائلا: «كنت تعبان وعاوز أنام وتعبان من رجلي عشان وجعاني وكنت عاوز أروح عشان كانت مكسورة، كنت بطلب من الحاجة الدادة، اللى كانت مع اللي بيصور، اني أروح البيت».
خارج إطار الفيديو المنتشر بطلبه للنوم، استعرض محمد، مواهبه المعلوماتية الكروية والرياضية» قائلًا: «بحب محمد صلاح عشان بيلعب في منتخب مصر، ونفسي أطلع ظابط جيش وكمان بحب الإنجليزي».
أحمد صالح والد «محمد» استغرب الأمر من بدايته لتصوير نجله داخل الفصل، ونشر الفيديو عبر مواقع السوشيال ميديا، ما أثار غضبه، لينتظر نور الصباح بفارغ الصبر، لأخذ حق نجله بتقديم شكوى لوزارة التربية والتعليم وتحرير محضر ضد مصور الفيديو: «عرفت الواقعة من جيراني وأقاربي ومكنتش متوقع كل اللي حصل على السوشيال ميديا».
صالح، جد الطفل، دائمًا لديه مفتاحه وعنده كلمة السر الحقيقية في اكتشاف موهبته ونضوجه الكامل، فكانت أول مواهبه القدرة على جمع وطرح أرقام كبيرة دون آلة حاسبة رغم عمره الذي لم يتخط الـ6 سنوات، وهو الأمر الذي يصعب على طفل في سنه: «الواد فكره سابق سنه وده كان باين في الفيديو وأنا مش زعلان.. وممكن يتعمله اختبار ذكاء والناس تعرف كويس موهبته، بكون قاعد عادى واشوفه بيعد معايا مبالغ مالية كبيرة مفيش طفل يعرف يعملها، محمد سابق سنه وموهوب في الرياضة»
