اضحك من قلبك مع إسماعيل يس

في مجلة الكواكب عام 1958 نشرت مجموعة من النكات والقفشات الضاحكة القديمة التي كتبها الفنان الكوميدى إسماعيل يس ويقول عنها إن النكات القديمة باقية أما الجديدة فهى تولد ميتة فكتب يقول:

واحد حشّاش راح يشترى طرشى اتكعبل على السلم وقع فجأة، حضر أحد الجيران لمساعدته وسأله مالك كفى الله الشر.. كنت طالع ولا نازل؟ أجاب المسطول: هي السلطانية كان فيها طرشى؟ قاله: لأ، قال المسطول: يبقى كنت نازل.

أحس أحد الجيران بضوضاء في المسكن الذي يعلوه فسأل صاحب الشقة: فيه إيه يابنى؟ فرد عليه: أمى بتنفض البنطلون بتاع بابا، سأله تعمل الدوشة دى كلها؟ قاله: ما هو أصل بابا جواه.

واحد سكران راجع بيته الساعة واحدة صباحا وجد مراته صاحية بتسأله الساعة كام؟ فأجابها: الساعة عشرة، ودقت الساعة تشير إلى الواحدة، قالت له الزوجة: بقى دى عشرة؟ قال طبعا انتى عايزة الساعة تدق لك صفر علشان تصدقى أنها عشرة.

واحد دكتور كشف على عيان وأحس بدنو أجله، فترك لزوجته عشرين جنيها وانصرف، وبعد مدة مر على منزل المريض ليعزى زوجته في وفاته، ولشدة دهشته وجده سليما معافا يمص قصب فسأله: الله حصل إيه؟ فقال له الزوج: ولا حاجة احضرنا بالعشرة جنيهات دكتور شاطر شوية واشترينا من العشرة الثانية الدواء اللى كتبه، والحمد لله.

واحد قصير مش قادر يوصل للشماعة عشان يحط البالطو بتاعه فطلب من واحد طويل أنه يعلق له البالطو وشكره قائلا: متشكرين قوى يا أستاذ مش عايز حاجة من تحت؟