«جانا رمضان».. قصيدة لـ «أحمد إبراهيم»

جانا رمضان أهو جانا
هينور لنا دنيانا
يا شهر الخير والهنا
الفرح زاد جوانا

جانا رمضان والناس
بيبان فيها الإخلاص
الغنى ويَّ الفقير
الله على دا إحساس

جانا رمضان كالعادة
شهر عمل وعباده
الأجر بيبقى فيه
أضعاف أضعاف وزيادة

جانا رمضان والنور
فوانيسه زينه في الدور
أطفال وحتى كبار
الكل فيه مسرور

جانا رمضان واللمة
والدعوة هتبقى عامة
وموائد الرحمن
موجودة في كل مكان

مرحبا يا رمضان
يا شهر القرآن
الكل في انتظارك
يا رحمة للإنسان