هاشتاج «#بتحب_رمضان_عشان» يتصدر «تويتر».. عبد الرحمن: «بتفرج على المسلسلات وصلاة التراويح».. منة: «بحب صوت المسحراتي والفوانيس».. وحسين: «علشان الكنافة وال

يحل علينا بنفحاته، خلال الأيام القليلة المقبلة، شهر رمضان الكريم، الذي يترقب مجيئه المسلمون في كل بقاع الأرض، فهو شهر التقوى والإيمان والطاعات.

وفي سياق متصل، دشن مستخدمو موقع التواصل الاجتماعي «تويتر»، هاشتاجًا جديدًا يحمل اسم «#بتحب_رمضان_عشان»، وتصدر قائمة الموضوعات الأكثر تداولًا عبر الموقع.

وعبر رواد «تويتر»، من خلال الهاشتاج، عن اشتياقهم لشهر رمضان، مؤكدين أنه شهر الخير واليمن والبركات، ويشعر الجميع فيه بالسعادة والفرح وسط أجواء من الحب وخاصة بين الشعب المصري.

الروحانيات
وقالت آية: «بحب رمضان علشان كل حاجة فيه، الروحانيات قراءة قرآن صلاة التراويح، لمة العيلة التسامح اللي بينا الناس»، وغردت ريهام قائلة: «عشان اللمة مع صحابي، واحنا بنحضر الفطار، ونتخانق مين اللي هايخرط الملوخية».

لمة الصحاب
وعلق محمد: «لمة الأهل على سفرة واحدة اللي مبتحصلش غير في رمضان.. لمة الصحاب والسحور سوا في الشارع.. القرآن اللي بينور قلوبنا.. صلاة التراويح»، وقال أبو خالد: «اغتنام ليلة القدر.. اغتنامها توفيق من الله عز وجل.. وعلامة قرب من الرحمن».

المسلسلات
وغرد أحمد: «لمة العيلة والأصحاب وصلاة التراويح وقراءة القرآن.. اللهم بارك لنا في شعبان، وبلغنا رمضان لا فاقدين ولا مفقودين»، وعلق عبد الرحمن قائلًا: «عشان الصلاة، الصوم، المسلسلات، الشغل، اللمة على الفطار، التراويح، الفجر».

الفوانيس والقطايف
وقالت منة: «بحب رمضان علشان اللمة والخروجات اللي مش بخرجها إلا في رمضان.. وصوت المسحراتي، والفوانيس»، وغردت نور: «لأنه شهر الرحمة، شهر العبادات، يتقلب فيه المؤمن بين صلاة وصيام وقيام»، فيما قال حسين: «علشان الكنافة والقطايف والبلح والتمر وياميش رمضان».