بالفيديو.. تفاصيل خناقة طاحنة لأحمد وكريم فهمي في التجمع

قال الفنان أحمد فهمى خلال حلقة الليلة من برنامج "معكم" مع الإعلامية منى الشاذلى "إنه كان دائمًا يدافع عن شقيقه كريم فهمى في الخناقات والمشاجرات المختلفة في مرحلة الطفولة وما زال كذلك حتى الآن، وروى موقفا حدث مع شقيقه وتدخل فيه قائلا "في مرة كان كريم بيتخانق خناقة جامدة في التجمع أثناء تصوير مسلسله حالة عشق، وأنا ساكن في أكتوبر واتصل بيا وكان ده قبل السحور في رمضان وقال لى تعالى دلوقتى أنا بتخانق وفيه ناس من الحرفيين هيضربونى، وقال لى أنا معايا مو صاحبنا فقلت له أجيب ناس بجد ولا خناقة أي كلام فقالى لأ هات ناس بجد وجبنا فعلًا ناس عشان تتخانق معانا وكأننا وقتها كنا هنحتل التجمع".

وأضاف "حاولت أتكلم مع الولد اللى اتخانق مع كريم وأصلح الموقف فقال لى يا أحمد أخوك شتم أمى فقلت له عادى ممكن بيهزر فاعتذرت له والولد قال لى ثوانى أجيب حاجة وهرب وبعدين ابن عمنا جه وكان عايز يجيب سلاح والموضوع كان هيكبر وكريم وقتها قال الواد ممكن يبعت حد من القسم وفعلًا جه روحت أنا وياسر القسم وكريم كان بيصور عادى".