«نبض عاشق» قصيدة للشاعر محمد الشهيدي
دا مفيش كلام يتقال
ولا لحن يدقه الناي
بقيت عاشق ولهان
أحلامي ضايعة مني
بنادي بكلمة يااااااااه
والنبرة ما ليها الآه
شوقي واخدني بعيد
وعيوني شاردة مني
دا روحي وسط البراح
مخنوقة منيش مرتاح
بسأل عن الأحوال
وحالي غصب عني
طبعي اتشبه بطبعك
عاقل بلمسة جنان
مسحول أكيد وشارب
قسوة بطعم الحنان
وهكتب عنك قصايد
وكله مجرد كلام
إزاي أقدر أصون ؟!
عيون دموعها غيوم
من وسط العتم والعتب
قبلي نداه الندم
وكتب نهاية الألم
وقرر يكون إنسان
ومفيش كلام يتقال
