ثورة مشجعى «الزمالك» ضد إعارة «محمد إبراهيم» لإسبانيا.. الجوكر: «مليون لا لرحيله».. محمد: «رفض عروض الأهلي عشان الفانلة البيضا».. سهام: «حرام دا ابن النادي
رفض نشطاء مواقع التواصل الاجتماعي من مشجعى نادي الزمالك، إعارة لاعب خط وسط الفريق الأول لكرة القدم بالنادي الأبيض محمد إبراهيم لنادي «مالاجا» الإسبانى، ودشنوا هاشتاج «لا لإعارة محمد إبراهيم» على تويتر، الذي جذب عددا كبيرا من النشطاء، ووصل إلى «تراند مصر»، حيث رفض النشطاء خروج محمد إبراهيم من النادي، مؤكدين أنه يلعب بشكل جيد وأنه ابن النادي، ورفض عدة عروض للانضمام لأندية أخرى من قبل.
هو لحق!
قال يوسف سامي:«اللي قعد سنة كاملة مش بيلعب ومش عاوز يروح أي نادي علشان يرجع لبيته وناديه نروح احنا نمشيه! لا لإعارة محمد إبراهيم»، بينما رد محمد رمضان بقوله: «نتكلم بواقعية الإعارة في مصلحة محمد مركزه في 5 بيلعب منهم 2 بس وشيكا هيرجع الموسم الجاي فبقاؤه هيكون بدون جدوي».
وأضافت سهام جو:«محمد إبراهيم إيه يا ولاد.. هو لحق يقعد ف النادي عشان يبقي إعارة!»، وعلق بودا محمد:«محمد إبراهيم لو راح أي فرقه تانية هتقعدوا... تتفرجوا عليه وتقولوا لا إحنا عايزينه يرجع، محمد إبراهيم بيحب الجمهور ومرتضى بيه لا بيحب الجمهور ولا بيحب إلى يحبهم».
ابن النادي
وقال مؤنس زمالك:«مش عايز حد زملكاوي ف الفرقة لا لإعارة محمد إبراهيم»، وأضاف حمزة:«شيكابالا إعارة للإسماعيلي وهيما إعارة للاتحاد وبكرة عمر للنصر السعودي، ويبقي كده قضي مرتضى على أولاد النادي لا لإعارة محمد إبراهيم»، وتابع نادر مصطفى:«مرتضى بيكره كل ما هو مع الحق ومع الجمهور زي عمر ومحمد إبراهيم، لا لإعارة محمد إبراهيم».
أحسن لاعب
وعلق إسلام همام:«لا لإعارة محمد إبراهيم.. أنا بحبه جدا بس مستواه في النازل حتى لو إعارة 6 شهور هيبقي كويس»، وذكر مصطفى مهدي:«محمد إبراهيم مين ده إلى يمشى يروح إعارة، دا أنا اروح فيكوا في داهيه، أقسم بالله ياخد فرصة وهيرجع أحسن لاعب في مصر».
ورد على شعبان: ۮ طارق مصطفى قدم محمد إبراهيم لى باكيتا في البداية بأنه لاعب مصاب ومن وقتها مدخلش التمرين الجماعي للفريق! لا لإعارة محمد إبراهيم»، وقالت رنا:«ده هيما هي الناس اللي عايزه تمشيه دي متعرفش مين هو محمد إبراهيم ولا إيه، لا لإعارة محمد إبراهيم حرام والله نخسر لاعب زيه»، ورد أحمد سيلف ميد: «يتخلص محمد إبراهيم ثم عمر جابر وميرجعش شيكا فيبقي مفيش حاجة اسمها ولاد النادي ف دويدار... يبقي الكابتيانو لا لإعارة محمد إبراهيم»، وتابع بلال مختار:«مستواه مكنش كويس في الفترة الأخيرة.. بس عنده انتماء بجد للنادي ومع الوقت مستواه يتحسن، لا لإعارة محمد إبراهيم».
رفض الأهلي
أما محمد، فعلق بقوله: «لو عايزين تمشو حد ابعدو عن أبناء الزمالك أبعدو عن مشجعين الزمالك قبل ما يكون لاعيبة فهيما ابن النادي، لا لإعارة محمد إبراهيم»، وعلق حمزة محمد:«شتم جماهير المصري في بلدهم علشان شتموا الزمالك، اتخانق مع لاعب الداخلية، واتعور في وشه، رفض اكتر من عرض للأهلي لا لإعارة محمد إبراهيم».
أكتر واحد ملتزم
وقال أحمد عصام:«الساكت طول السنة ومحدش سامعله صوت ومبيعلش مشاكل وبيتمرن وأكتر واحد ملتزم في الفرقة بشهادة الفرقة كلها، لا لإعارة محمد إبراهيم»، وأضاف مالك حسنين:«مرتضى عايز يخلص على كل أبناء النادي اللي جماهير بتعشقهم، فاكر أن كده هو اللي ياخد الشو ويصنع تاريخ النادي. لا لإعارة محمد إبراهيم».
وتابع حسن الجوكر: «مليون لا.. محمد إبراهيم هو الأمل.. بس يرجع لمستواه لا لإعارة محمد إبراهيم»، وتابعت مي:«إعارة محمد أفضل بكتير من قعدتة وعدم اطمئنان المدرب لمستواه، قعدته ها تزيده سوء، إعارته هو الحل العملي لتلينه زي شيكا».
