بالخطوات.. إزاي تسوق عربية أوتوماتيك

رغم سهولة قيادة السيارات الأوتوماتيك إلا أن هناك الكثيرين يجهلون قيادتها، تقدم «فيتو» لقرائها شرحا مبسطا لقيادة السيارات الأوتوماتيك، كما تقدم معلومات جديدة يجهلها الكثيرون من سائقي هذا النوع من السيارات.


أول حاجة هنتكلم على الرموز الأساسية اللى بنشوفها في الفتيس

الـ P يعنى Park ده اللى بتوقف بيه العربية
الـ R يعنى Reverse دى اللى بيخلى العربية ترجع لورا
مارشدير يعنى
الـ N يعنى Neutral وضع التمووير... الموور يعنى
الـ D يعنى Drive وضع السواقة أو المشى بالعربية

1 - لازم تبقى عارف أن العربية في الأوتو مش هتدور على الـ D ولا هتدور على الـ R لأنه بـ اختصار ال D وال R بيفصلوا كهربة عن المارش تماما ومش هيخلى العربية تدور نهائى.

2 - وأنت واقف في إشارة هات الـ N اللى هو المور عشان تريح تروس الفتيس ومتلفش على الفاضى وتبقى العربية عايزة تطلع وأنت ماسكلها فرامل

3 - وأنت بتجيب الـ D أو الـ R خلى رجلك على الفرامل لأنك لو جبت حاجة من غير فرامل هتلاقى العربية مشيت من غير ما تدوس بنزين لأن التروس اتحركت وحركت العربية معاها.

4 - مينفعش تنقل من نقلة لنقلة والعربية ماشية حتى لو ماشية على سرعة 5 كم يعنى مينفعش مثلا وأنت بتطلع من ركنة وجايب ال D والعربية لسة براحة أوى وبتطلع من الركنة تروح جايب ال R عشان تعدل نفسك وتطلع .. لا أنت كدة بتدمر تروس الفتيس مع الوقت .. لازم العربية تقف وتروح جاى ناقل من الـ D والـ R والعكس

5 - نيجى بقى للأوضاع التانية وهي الـ L والـ 2 والـ 3
الـ L هو الغيار الأولانى ودة الناس بتستخدمه في المطالع الجامدة لأنه بيدى عزم شديد على سرعة قليلة بس خد بالك مينفعش تكون ماشى 60 ولا 80 وتروح جايب الـ L هتكسر الفتيس كدة أخرك 30 بالكتير تجيب الـ L عليها

الـ 2 ودة الغيار التانى والأول مع بعض بيسمح للعربية تننقل بينهم
الـ 3 ودة الغيار الأول والتانى والتالت فقط مش بتنقل للرابع
ممكن عادى وأنت ماشى على الـ L أو ال 2 أو ال 3 تجيب ال D مرة واحدة عادى لأنه دة شغال على جميع النقلات ف أي وقت عادى

6 - نصيحة ياريت الكل يعمل بيها لو عايز تحافظ على فتيس عربيتك وأنت بتركن أو بتقف بالعربية متروحش جايب ال P مرة واحدة ومتشدش الهاند أو تجيب ال P وتشد الهاند بعدها

الوقفة الصح بالفتيس الأوتو هو أنك خلاص هتبطل أهو وتنزل من العربية ركز بقى معايا

تروح دايس فرامل وتجيب الـ N وترفع الهاند وبعد كدة  تجيب ال P