نشطاء يدشنون هاشتاج «أشهر كدبة تكدبها الست على الراجل».. أحمد: «مش بيجيلي نوم إلا على صوتك».. زيزو: «أنا جالي عريس».. «لولي»: «هعملك أكل تاكل صوابعك وراه&#

"أشهر كدبة تكدبها الست على الراجل".. هاشتاج دشنه النشطاء على مواقع التواصل الاجتماعي لتجميع أكثر الأكاذيب التي يتداولها النساء.

الهاشتاج كشف، من خلال متابعيه، عن المواطن التي تكذب فيها السيدات على الرجال ومنها أنه تقدم أحد ما لخطبتها، وأنها لا تنام قبل أن تسمع صوته أو التأخر عندما يكون لديها ميعاد مع خطيبها، ودائما ما تؤكد له أنها ستنزل من المنزل بعد 5 دقائق، ويمتد الأمر لساعات، وغيرها من الأكاذيب التي احترفتها السيدات وتقولها للرجل.

وقالت بسمة زاهر: "أشهر كدبة تكدبها الست على الراجل بحبك في كل حالاتك"، وأضافت سها المنياوي: "اتقدملي طيار أشهر كدبة تكدبها الست على الراجل".

وتابع أحمد مينو: "أشهر كدبة تكدبها الست على الراجل، حبيبي أنا مش بيجيلي نوم إلا على صوتك وهو أصلا صوته غراب.. أنا قدامك ببقى ضعيفة قوي، ببقى عايز أقولها انزلي من على خشبة المسرح عشان هتقع بيكي".

وقال "سي على": "مش بحبك وهي ميتة فيك، أشهر كدبة تكدبها الست على الراجل.. أنا ساكنة في المعادي وهي من السيدة عائشة".

«الفلوس خلصت»
وأضاف أحمد حسين: "هات فلوس عشان الفلوس اللي معايا خلصت، أشهر كدبة تكدبها الست على الراجل"، وتابعت ديانا: "أشهر كدبة تكدبها الست على الراجل تقول الساعة كام غلط عشان صحيان الصبح".

وقالت دودو أونلي: "أشهر كدبة تكدبها الست على الراجل، دى ماما بتحبك خالص صدقنى"، وأكدت طمطم ندي نودي: "أشهر كدبة تكدبها الست على الراجل مش معايا فلوس".

وأضاف حازم: "أشهر كدبة تكدبها الست على الراجل، الستات مايعرفوش يكدبو"، وتابعت إسراء يحيي: "أشهر كدبة تكدبها الست على الراجل، إنت في عنيا أحلى من توم كروز".

وأكد حساب "نادو أوش": "مش طايقاك، وأنا بموت فيك، بص ياحبيبي هدومك أنا اللي هكويها، أشهر كدبة تكدبها الست على الراجل".

وقالت زيزي عزة: "معروفة يعني أنا جالي عريس، وتلاقي محدش عبرها غير المكوجي اللي تحت بيتهم.. أشهر كدبة تكدبها الست على الراجل"، وأضافت سارة:"إنها نسيت حبيبها القديم.. أشهر كدبة تكدبها الست على الراجل".

وعلقت "لولي": "أنا هعملك أكل تاكل صوابعك وراه، أشهر كدبة تكدبها الست عالراجل"، وقالت "نون": "خلاص أنا بلبس الطرحة و5 دقايق وهبقي قدامك 6:45.. 7:30، إيه يا روح قلبي اتأخرت عليك، أشهر كدبة تكدبها الست على الراجل".

وأضاف أحمد فاروق: "أشهر كدبة تكدبها الست على الراجل، أنا جالي عريس وأهلي بيضغطوا عليا، وهي جالها برد ومحدش معبرها".

«خمس دقايق وهكون جاهزة»
وعلقت خلود الشاذلي: "أشهر كدبة تكدبها الست على الراجل خمس دقايق وهكون جاهزة"، وأكدت أميرة محمد: "أشهر كدبة تكدبها الست على الراجل ميهمنيش أصلًا ومش عاوزة أعرف الحوار.. وببقا هموت".

وقال أحمد عزت: "أنا أعيش معاك في أوضة وصالة المهم أكون جنبك يا حبيبى، أشهر كدبة تكدبها الست على الراجل".

وأضاف "مشاكل هيما": "أشهر كدبة تكدبها الست على الراجل.. اعمل اللى إنت عايزه.. صدقنى لو عملتو هتلبس سكينة في صدرك".

وعلق محمد: "أنا متقدملي 3 دكاترة و2 مهندسين وهي متقدملها ابن عمتها عشان صعبت عليه لما شافها هتعنس.. أشهر كدبة تكدبها الست على الراجل".

وأضاف "ريزو تو": "تعالى ننزل نرجع حاجة اشتريتها إمبارح.. أقل وقت اتحسب للخروجة دى كان 8 ساعات تقريبا، أشهر كدبة تكدبها الست على الراجل".