بيرم التونسى يكتب: نكبة وطنية

في مجلة «التحرير» عام 1955 كتب الشاعر بيرم التونسى قصيدة بعنوان «نكبة وطنية» يقول فيها:
في مصر نكبة وطنية... جدعان بلدنا الفداوية
في طولون وباب الشعرية... والسيدة والحسنية
الفتونة دى شغلتهم.. فيها حياتهم ومماتهم
حارتنا اسمها حتتهم.. واحنا ياسكانها رعية
شكل الفتوة حنكورة.. له شوشة هايجة ع القورة
يسرح بأفيون وداتورة.. وشريك في شلة شضلية
وأما نايبتنا الكبرى.. كان يوم مايسمع بمظاهره
يروح لها ومعاه عشرة... وتبقى غارة تترية
ويقول ليحيى، وليسقط.. وأديك بتكبش وبتعبط
والهيصة مين فيها حايزيط.. في كل مخزن حرامية
والصبح تدفعى ياخزينة.. التعويضات اللى علينا
وايه أقول في الطايفادى... غير أهل وطنى وبلادى