مواصفات مدرس لعروسه تثير سخرية نشطاء "فيس بوك".. "عايزها بيضة جدا ووزنها 50 كيلو بالكتير".. "إيمان": "يمشي معاك كاروهات".. "هاجر": بهاند فري ولا سماعة بلوتوث.."نسمة": "لو مهندس بترول كنت عملت ايه"
تداول نشطاء موقع التواصل الاجتماعى، "فيس بوك" صورة من صفحة society problems والتي نشرت طلب أحد روادها بالبحث عن عروسة ذات مواصفات خاصة على غرار إعلانات الزواج في المواقع الإلكترونية والجرائد لتكون تلك المواصفات مادة للتعجب والسخرية من قبل رواد الموقع بعد أن أصبحنا في عصر التكنولوجيا فكيف يبحث إنسان عن شريكة لحياته بهذه الطريقة.
وجاءت المواصفات كالتالى:
أنا عايز عروسة من "البيدج" هنا لأني تعبت من البحث وأنا مغترب ووقتي ضيق ونازل في العيد بأمر الله
مواصفاتها
طول 155 سم بالكتير
وزن 50 كج بالكتير
بيضاء جداااااااا
تعليم عالي
محترمة ومتدينة
وأنا مواصفاتي:
طول 165 سم
وزن 70 كج
أميل للسمرة
مدرس
على من تجد في نفسها هذه المواصفات ولديها الرغبة في الزواج تسيب "كومنت"
و كانت التعليقات كالتالى:
إيمان: بيضا وجدااااااا !!!!؟؟؟..... يمشى معاك لون "كاروهات" طالع موضه وحلو ويمشى مع الميل للسمرة
هاجر أحمد: وعاوزها بـ"هاند فري" ولا سماعة بلوتوث
نسمة: أومال لو كنت مهندس بترول وطولك 180 كنت عملت ايه
شهيرة: أميل للسمرة ايه ياعم جو عنتر بن شداد ده
هيام: ده قصير وتخين كماااااااااان ايه الخيبة دي.. بيضاء جدا !!! طب ينفع شفافة بالمرة
