بالصورة.. نشطاء «فيس بوك» يدشنون حملة ضد عمرو يوسف بسبب التحرش
انتقد نشطاء "فيس بوك" الممثل عمرو يوسف؛ بسبب إعلانه الأخير، الخاص بأحد المنتجعات السياحية، والذي اعتبروه إعلانًا للتحرش والحث على مضايقة النساء، وانتشرت رسالة ضد الفنان على بعض صفحات موقع التواصل الاجتماعي.
وقالت الرسالة: "في إعلان حاليًا في التليفزيون فيه الممثل عمرو يوسف بيعمل دعاية لمنتجع سياحي عالبحر الأحمر أنا شايفة الإعلان دة أحد الأمثلة الواضحة على التحرش، يمشي في الشارع التجاري ويشوف بنت أمورة فيقول (حلوة) ما تفهمش هو قصده حلاوة المدينة ولا حلاوة البنات اللي ماشي يبص عليهم، يروح العيادة يبص عالدكتورة وهي بتشتغل ويقول حلوة، يحضر حفلة غنائية وسبحان الله الجمهور كله بنات ويفضل يتحشر وسطهم لحد ما يوصل لقدام ويقول إن هنا في حفلات حلوة".
وأضافت الرسالة: "فأنا عايزة أقول حاجة، هو لسة في التفكير السطحي دة اللي يستخدم الأنثى كدعاية، مع كل التطور والأفكار الجديدة في إعلانات رمضان السنة دي والسنين اللي فاتت؟؟؟ هل تسويق مزايا وجمال أي مكان سياحي بيتناسب طرديًا مع كمية البنات اللي فيه وقصر لبسهم في الإعلانات؟؟؟ النجم المشهور ما اتكسفش يبص عالبنات في كل مكان يروحه ورد الفعل الطبيعي أكيد في عقلية المعلنين إن البنات بيبادلوه النظرات ومبسوطين إن في راجل بيبص عليهم".
