شردي لمبارك: "عفوت عنك وبتمنالك السلامة"

علق الإعلامي محمد شردي، على قيام أبناء مبارك بجمع توقيعات على استمارات تكريم الرئيس الأسبق حسني مبارك قائلا: أنا أكتر واحد كنت بهاجم الراجل دا، وأكثر واحد اتكلم عن قضايا الفساد اللي انتشرت في حكمه.

أضاف: نزلت يناير وشاركت في جمعة الغضب وكنت عايزه يمشي، بس دلوقتي الراجل كبر بقى عنده 86 سنة ومن ساعة ما الثورة ما قامت وهو في السجن، والقضاء قال كلمته وجه وقت العفو عنه دلوقتي الراجل كبر".

وتابع شردي خلال مقدمة برنامجه "90 دقيقة" المذاع على شاشة المحور مساء اليوم، "أنا عايز المصريين كلهم يبقوا يعفوا عنه خلاص هو ساب الحكم ومشي وجبنا رئيس جديد، أنا عايز أقوله رسالة شخصية أنا عفوت عنك إنت في سن جدي وأنا بتمنالك السلامة".

وأشار، شردي إلى أن الرئيس الأسبق مبارك ابتعد عن حكم البلاد خلال الـ10 سنوات الأخيرة، وترك الحكم لرجاله ولنجله جمال مبارك وهم سبب ما وصلنا إليه الآن.