بالفيديو.. مفيدة شيحة تنفعل على متصلة: «سايبة بنتك عشان تدلعي جوزك التاني»
انفعلت الإعلامية مفيدة شيحة من متصلة على الهواء في برنامجها "الستات ميعرفوش يكدبوا" المذاع على قناة "سي بي سي".
وقالت هيام من القاهرة: "كان موضوع الغيرة مسببلي مشاكل كبيرة، أنا متجوزة من سنة ونصف وكنت متجوزة قبل كده وعندي طفلة سنتين من جوزي الأول، ولما جيت أرتبط بزوجي الثاني فهمته أن بنتي رقم واحد، وهي مش قعدة معانا مش موجودة هيا عند أهلي، وأنا بقعد مع بنتي شهر ومع جوزي شهر علشان هو بيسافر عند عياله من زوجة تانية، وهو بيغير من بنتي، وأنا لما بكون معاه هو مش بجيب سيرت بنتي تماما، ومش بحاول أكلمها حتى لو تعبانة أو عندها مشكلة مش ببين أي حاجة قدامه".
كلام المتصلة تسبب في انفعال مفيدة وقالت: "أنا ضدد هذا المبدأ، أنا مش متعاطفة مع اللي انتي بتقوليه، دي بنتي إزاى أدلع واحد غريب وأنا سايبة بنتي، الأول أهتم ببنتي ويبقي راجل محترم".
