بالفيديو.. «أديب»: «نفسي أشوف بلد غير مصر بيموت عندها جنود وتسكت»
استنكر الإعلامي عمرو أديب، صمت القيادة المصرية على قتل الجنود في «حادث الفرافرة»، قائلًا: «أنا نفسي أشوف بلد غير مصر بيموت عندها جنود وتسكت.. دولة إسرائيل المفترية لما مات عندها 18 واحد راحوا عملوا مذبحة سافلة وقتلوا 100 راجل».
وأضاف «أديب»، خلال تقديمه برنامج «القاهرة اليوم»، على فضائية «اليوم»، مساء اليوم الإثنين: «سحقًا للعالم اللى بيكلمنا على حقوق الإنسان وعمال بيقتل في الناس.. وبيتكلموا على تنفيذ حقوق الإنسان في مصر وهما مبيعملوش كدا».
وتابع: «اللي أنا عاوز أعرفه مين اللي عمل الحادثة بتاعت الفرافرة دي.. محدش أعلن مسؤليته عن الحادث.. ولو حد أعلن مسؤليته هيتضرب ضرب مأخدوش حمار في مطلع».
