شباب "فيس بوك" يطالبون الإخوان بعمل برلمان مواز علشان يتسلوا !
ممكن يعملوا برلمان موازي ليهم في طرة علشان يتسلوا، هكذا سخر شباب "فيس بوك" من إعلان حزب الحرية والعدالة عن عدم نيته المشاركة في الانتخابات البرلمانية القادمة، الخبر قوبل بارتياح بين الشباب عبر شبكات التواصل الاجتماعي، وقالوا..
محمد نور الدين: حزب الحرية والعدالة « الاسم ده مش غريب عليا ».. يقرر مقاطعة الانتخابات البرلمانية القادمة !! « بركة يا جامع ».. ما تنزلوا تورونا شطارتكم في الصناديق « ده كلامكم » والعبره والبقاء للأقوي « كلامكم بردة ».. هع هع هع..
أميرة بكلامي: الناس دي هتخاف حتي تبصم ع إيصال كهربة هتنزل انتخابات. إزاي ياجدع
بوسي أحمد: هيرجعوا ف كلامهم زي ما قالوا مش هنرشح حد للرئاسة ورشحوا بس الحماسة وخداهم
وفاء علم الدين: على أساس أن كان في حد هينتخبهم أصلا
باسم التركي: إبقوا اعملوا برلمان موازى بقى وخليهم يتسلوا
هالة الجزيرلي: حزب الحرية والعدالة يقرر مقاطعة الانتخابات البرلمانية القادمة !! هو احنا عندنا حزب بالاسم ده ؟..
رانيا أحمد: انت فاكرينا هنزعل يا أمور داحنا هنعمل لؤلؤلؤلؤلؤؤلؤلى فرح
مشمشة: يعني هيرشحوا مين ما كلهم مشرفين طرة
تامر بركات: ممكن يعملوا برلمان ليهم في طرة
هالة كامل: الحزب منحل زي أخوه الوطني
نصر: ولا سمعت عنه ف طبق اليوم.
