الجهاز السحرى لإطالة "العضو" وتكبير "الثديين".. لامؤاخذة!
الآن.. ولأول مرة في مصر الجهاز "الأمريكى" لإطالة "العضو".. وإللى هيخلى كل "راجل" هيرفع "رأسه" قدام الست حرمه..
الآن.. ولأول مرة في مصر.. الحبة "الزرقا" إللى هتخليك تقضى ليلة "حمرا" بقوة 30 حصان أو بقوة 60 "حمار"..
الآن.. ولأول مرة في مصر الجهاز "الألمانى" لتكبير "الثديين" وإللى هيخلى كل ست فشر مرضعة قلاوون..
الآن.. ولأول مرة في مصر الجهاز "اليابانى" لشفط الدهون من منطقة "الأرداف".. وإللى هيخلى كل بنت فشر "ناعومى كامبل"..
الآن.. ولأول مرة في مصر الجهاز "الفرنسى" لـ"سنفرة" الوجه.. وإللى هيخلى كل بنت وست فشر "الموناليزا"..
هذه نماذج من الإعلانات المنتشرة في كل القنوات الفضائية تقريبا.. وكلها تدعو إلى شئ واحد تقريبا.. وذات إيحاء واحد تقريبا.. وكأنه لم يعد يشغل بالنا إلا التفكير في "النصف السفلى" فقط..
إحنا مش محتاجين إطالة "العضو" من "3 إلى 5 سم أسبوعيا".. إحنا محتاجين إلى إطالة ساعات "العمل" يوميا وأسبوعيا عشان نعوض إللى فاتنا.. ومحتاجين إلى إطالة "صبرنا" في العمل الذي نؤديه حتى ننجزه على أكمل وجه..
إحنا مش محتاجين تكبير "الثدى".. إحنا محتاجين تكبير "مخنا" ونكون على مستوى المسئولية..
إحنا مش محتاجين "شفط" الدهون.. إحنا محتاجين شفط "الغباء والجهل" المتراكم علينا من سنين طويلة..
إحنا مش محتاجين "سنفرة" للوجه والبشرة.. إحنا محتاجين سنفرة لـ"العقل" عشان ينضف من الأفكار إللى معششة فيه.. وكل ذلك لا يتحقق إلا بـ"حبة فياجرا".. وسيجارة "حشيش"!
