مشهد مرعب، العناية الإلهية تنقذ شابا من الموت المحقق بسبب سرقة عود قصب (فيديو)
تداول نشطاء مواقع التواصل الاجتماعي مقطع فيديو مرعب، لشاب كاد أن يفقد حياته تحت عجلات "تروسيكل" بسبب عود قصب، حيث يظهر المقطع شابين قاما بتسلق إحدى الشاحنات أثناء سيرها بحمولة من القصب، وحاولوا سحب أعواد القصب من الشاحنة أثناء سيرها، وكانا يركبان على "تروسيكل".
شاب كاد يفقد حياته تحت عجلات تروسيكل
أثار المقطع جدلًا واسعًا بين نشطاء مواقع التواصل الاجتماعي، حيث عبر العديد من النشطاء عن غضبهم من قيام الشابين بسحب أعواد القصب من الشاحنة، وخاصة أن أحدهم كاد أن يلقى حتفه تحت عجلات "التروسيكل"، واعتبروا ذلك "سرقة" يجب معاقبة الشابين عليها
وعلق البلوجر خالد جمال الحيني قائلًا: "علشان يسرق عود قصب ولا إتنين وقع بين التروسيكل، وكان ممكن يفقد حياته فى لحظة.. فعلًا طفس".
أما البلوجر محمد شعبان فقال: "اللي بياخد حاجة مش بتاعته من غير إذن صاحبها يبقى اسمها سرقة مهما كانت بسيطة في نظر اللي عملها. يعني لو أخذت عود قصب من جرار برضه سرقة، الفرق بس في القيمة مش في الحكم ولا المبدأ. والأخطر بقى إن سحب عود القصب مش بس حرام وغلط أخلاقيًا، ده كمان خطر حقيقي على الأرواح. من ناحية المخاطر ناس كتير اتعرضت للسحل تحت العجل وفي حوادث كسر أطراف أو وفاة بسبب التعلق بالعربية السواق ممكن يفزع أو يفرمل فجأة العربية نفسها ممكن تعمل حادث بسبب الحركة غير المتوقعة يعني خسارتين ذنب وسرقة واحتمال موت أو إصابة خطيرة"
سرقة عود القصب حرام
وقال البلوجر طارق علي: "اللي بيعمل كده: بيعتدي على حق غيره وبيغامر بحياته عشان حاجة ما تستاهلش الحرام حرام مهما صغر، والغلط غلط حتى لو الناس سكتت عنه. كلام بسيط بس مهم يتقال، خصوصًا للأولاد والشباب".
ورد البلوجر سعيد صابر فقال: "اليوم كان حوالي 20 طفل من البلد علي كوبري كوم الضبع بيسحبو القصب"
أما البلوجر مؤمن محمد فعلق قائلًا: "اللي بيقول مستأذن من صاحب الجرار برضوا حرام لأنه مش بتاعه وهو بيحللك حاجه متخصهوش.."
وعلق البلوجر أحمد سعيد فقال: "الموضوع ده فكرني بسنة 1997، وأنا خارج من المدرسة كنت شفت ناس على الكباري مداخل القري من الطريق الزراعي واقفين ومعهم كوريك بتاع رمل ويضربه فى آخر الجرار ولما يشبك في القصب يمسك فيه ويجري معاه ويشده بقوة.. ويسقط القصب بالجملة.. طبعًا حرام".
